Cheen Ne Aakhir Kyon Kiya Aisa

India »

Cheen Ne Aakhir Kyon Kiya Aisa

Ranjit Kumar nai Delhi. . Cheen ke nae netrutv ke satta sambhaalne aur Bhaarat ke saath rishta gahra karne ke bayaanon ke beech usaki taraf se bhaarateeya ilaake mein ghuspaith ki jo haaliya ghatna hui hai, us par raajanayik halakon mein hairaani jataai ja rahi hai. Hairaani is baat ki ki usane aisa kadam kyon uthaaya. Kya iske peechhe cheeni army ke kuchh aise varg ka haath hai jo desh ke nae netrutv ki Bhaarat neeti se sahamat naheen hai. Hairaani isliye bhi hai ki cheen ke pradhaanamantri li khachhyaang ke May mein hone vaale Bhaarat daure se pehle ukasaave vaala yah kadam kyon uthaaya gaya. Jaanboojhkar uthaaya kadam yahaan sainya sootron ke mutaabik, cheen ne ek helikauptar se daulat beg oldi ilaake mein apne ek plaatoon yaani kareeb 15 sainikon ko utaara hai. Aksar Bhaarat aur cheen ke sainik ek-doosare ke ilaake mein gashti karte hue galati se chale jaate hain, lekin is baar sainikon ko helikauptar se utaarana ek vishesh design ke tahat maana ja raha hai. Dostaana kadam bhi kursi sambhaalne ke baad cheen ke pradhaanamantri li khachhyaang apne pehle videsh daure ki shuruaat Bhaarat se hi kar rahe hain. Iske baad vah Pakistan ka daura kareinge. Is tarah cheen ka naya netrutv yah sandesh dena chaahata hai ki vah Bhaarat ke saath aapasi bharose ke maahaul mein dosti ko aur majaboot karna chaahata hai. Cheen ke raashtrapati shi chin fing ne pichhle maheene daraban mein pradhaanamantri Manmohan Singh se mulaakaat ke dauraan bhi mesej diya tha ki cheen Bhaarat ke saath rishton ko praathamikta dega aur seema masale ka jald se jald hal chaahega. Naajuk hai masala ghuspaith ka maamala saamane aane ke baad videsh mantraalaya ulajhan mein fans gaya hai ki vah isse kaise nibte. Agar cheeni sainik peechhe hatne ko taiyaar naheen hote to iski bhaarateeya media mein garmaagarm charcha hogi aur iska asar cheeni pradhaanamantri ke Bhaarat daure par padega. Agar cheeni sainikon ko peechhe hataane ke liye koi sainik kaarravaai ki jaati hai to maamale ke aur ulajhane ki aashanka hai. Isliye videsh mantri Salman khursheed ne filhaal masale par koi sakht tippani naheen ki hai. Udhar, cheen ke videsh mantraalaya ne jin saaf shabdon mein cheeni sainikon ki badhat ko ghuspaith maanane se inkaar kiya hai usase naheen lagta ki vah apni sena ko aasaani se peechhe hata lega. Cheen ki rananeeti cheen ne apne saagareeya padosi desh Japan aur viytanaam ke saath dveepeeya ilaakon ko lekar chal rahe vivaadon ke maamale mein sakht rukh apnaaya hai. In donon deshon ke saath uske rishte lagaataar tanaavapoorn hote ja rahe hain. Aisi haalat mein agar vah Laddakh se apne sainikon ko hata leta hai to cheeni sarkaar ko ghareloo star par bhi is masale se nibatna hoga. Cheen yah sandesh naheen dena chaahega ki vah Bhaarat ki baat maanane ko majaboor huaa. Kya chaahata hai cheen? Raajanayik sootron ke mutaabik cheen apne sainikon ko peechhe hataane ke liye poorvi Laddakh ke ilaake mein pichhle kuchh varshon mein Bhaarat ki or se banaai gayi kuchh nai dhaanchaagat suvidhaaon aur agrim chaukiyon ko hataane ki maang kar raha hai. Gaurtalab hai ki poorvi Laddakh ke nyoma aur fukache mein ek havaai patti banaane ke baad bhaarateeya vaayusena ne daulat beg oldi mein bhi ek havaai patti banaai hai, jahaan se AN-32 jaise parivhan vimaan utaare ja sakte hain. Iske alaava bhaarateeya sena ne is ilaake mein kai agrim sainya chaukiyaan bhi banaai hain jo bhaarateeya ilaake mein hai lekin cheen ko yah pasand naheen aa raha. 1986 mein bhi hui thi aisi harkat Bhaarat aur cheen ke beech 4 hajaar kilometer lambi vaastavik niyantran rekha par ghuspaith ki vaaradaat hoti hain lekin cheeni sainik toke jaane ke baad peechhe chale jaate hain. 1986 ke baad aisa pehli baar huaa hai ki cheeni sainikon ne ghuspaith karne ke baad apni chauki sthaapit kar li hai. 1986 mein arunaachal pradesh ke ilaake mein samadurong chhoo ghaati mein cheeni sainikon ne apni chauki sthaapit kar li thi jo bhaarateeya sena ki or se javaabi chunauti diye jaane ke baad hata li gayi thi.

Cheen Ne Aakhir Kyon Kiya Aisa https://www.angrejinews.com/pic/7768