Cheen Mein Thiyenaaanaman Chauk Narasanhaar Ki 25veen Barasi

Breaking »

Cheen Mein Thiyenaaanaman Chauk Narasanhaar Ki 25veen Barasi

Beijing: duniya ki aitihaasik ghatnaaon mein se ek cheen ke thiyenaaanaman chauk kaand ki aaj 25veen barasi hai. Is mauke par aaj cheen mein suraksha ke kade bandobast kiye gaye hain. Kai media riportas ke mutaabik, is mauke par saikadon raajaneetik kaaryakartaaon kalaakaaron vakeelon aur aalochakon ko sarkaar ne aihatiyaatan hiraasat mein le liya hai. Kai logon ko jabaran Beijing se baahar bhej diya gaya hai jabki kai logon ko desh ke alag-alag ilaakon mein unke hi gharon mein najaraband kar diya gaya hai. 25 saal pehle 4 June 1989 ko Beijing ke is aitihaasik chauk par shaantipoorn pradarshan kar rahe saikadon log cheeni sena ki firing mein maare gaye the. Ismein saikadon chhaatr aur sthaaneeya nivaasi maujood the. Chhaatron ki aguvaai mein ye log cheen mein lokataantrik sudhaaron ki maang ko lekar chhah hafton tak thiyenaaanaman chauk par dharana diye hue the. cheen ki sarkaar ne in pradarshanon ko desh mein sattaaroodh communist party ke takhta palat ke taur par dekha aur thiyenaaanaman chauk par bakhtaraband tank utaar diye. Iske baad firing ka aadesh de diya gaya. Cheen ki sarkaar mein jin bhi netaaon ya afasaron ne is kaarravaai ka virodh kiya cheen ki sarkaar ne unhein bhi saja di. Is tarah cheen ne communist shaasan ke baad pehle bade virodh ko dabaane ki koshish ki, lekin aaj bhi alag-alag roop mein yeh maang cheen mein uthati rahati hai.

Cheen Mein Thiyenaaanaman Chauk Narasanhaar Ki 25veen Barasi https://www.angrejinews.com/pic/52772