Cheen Mein Maanavaadhikaaron Ke Ullanghan Ke Khilaaf Lakshit Upaayon Par Vichaar Kar Raha Hai America

World »

Cheen Mein Maanavaadhikaaron Ke Ullanghan Ke Khilaaf Lakshit Upaayon Par Vichaar Kar Raha Hai America

Lalit ke jha Washington, 15 March (bhaasha) cheen ke kuchh hisson mein maanavaadhikaaron ki bigdti sthiti ke baare mein chinta jataate hue America ne kaha ki vah iske liye jimmedaar logon ke khilaaf lakshit upaaya karne par vichaar kar raha hai. maanavaadhikaaron par America dvaara jaari saalaana report ke mutaabik, cheen ke shinjiyaang mein das lakh se adhik dhaarmik alpasankhyakon ko kathit roop se hiraasat mein rakha gaya hai. videsh vibhaag ke up pravakta Robert pailaadino ne apne samvaadadaata sammelan mein kaha, ''Ham un logon ki javaabadehi tay karne ke liye pratibaddh hain jo in ullanghanon ko anjaam de rahe hain. Ham isko lekar lakshit upaayon par bhi vichaar kar rahe hain. '' cheen ne apne aantarik maamalon par America ke bayaan ki aalochna ki hai jise khaarij karte hue pailaadino ne kaha ki America is mudde ko uthaata rahega. unhonne kaha, ''Yeh ek aisi cheej hai jiske baare mein ham baat karna jaari rakheinge. Yeh vaastav mein ek bhayaavah sthiti hai jo vahaan chal rahi hai aur ham satark hain, sach mein vahaan kam se kam das lakh se adhik logon ko hiraasat mein liya gaya hai. Inmein najarabandi shiviron mein rakhe gaye uigar, kajaakh, anya muslim-alpasankhyak samoohon ke log shaamil hain. '' pailaadino ne kaha, ''Ham in neetiyon ko samaapt karne aur manamaane tareeke se hiraasat mein liye gaye un logon ko mukt karne ke liye cheen se kehte raheinge.

Cheen Mein Maanavaadhikaaron Ke Ullanghan Ke Khilaaf Lakshit Upaayon Par Vichaar Kar Raha Hai America https://www.angrejinews.com/pic/261324