Cheen Mein Bird Flu Se Marne Vaalon Ki Taadaad 13 Pahunchi

World »

Cheen Mein Bird Flu Se Marne Vaalon Ki Taadaad 13 Pahunchi

Peiching. . Cheen mein bird flu se ravivaar ko fir do mautein hui hain. Iske saath hi cheen mein echa7ena9 infekshan se marne vaalon ki taadaad 13 pahunch gayi hai. Iske alaava cheen mein infekshan ke aur 11 maamale saamane aae hain. Desh mein abhi tak 60 log bird flu ke virus ki chapet mein hain. Ravivaar ko donon mautein cheen ke sabse bade aur ghani aabaadi vaale metropolitan shahar Shanghai mein huin. Abhi tak bird flu ke infekshan ka shikaar sabse jyaada Shanghai hi huaa hai. Sarkaari samvaad agency shinhuaa ne kaha ki madhya cheen ke henaan praant mein bird flu ke do nae maamale saamane aae hain. Shanivaar ko rajdhani peiching mein echa7ena9 ka pehla maamala saamane aaya tha. Desh ke doosare hisson se paanch aur maamale saamane aae the. Bird flu peediton ki taataad ravivaar ko badhkar 60 ho gayi hai. Beemaari ke failane se cheeni prashaasan aur janta mein khauf hai. Ab tak 13 log is beemaari se mar chuke hain aur iska ab tak koi ilaaj naheen dhoondha ja saka hai.

Cheen Mein Bird Flu Se Marne Vaalon Ki Taadaad 13 Pahunchi https://www.angrejinews.com/pic/5532