Cheen Mein Bird Flu Se Marne Vaalon Ki Sankhya 10 Hui

World »

Cheen Mein Bird Flu Se Marne Vaalon Ki Sankhya 10 Hui

Peiching. . Cheen mein bird flu se guruvaar ko ek aur shakhs ki maut ho gayi. Iske saath yahaan is beemaari se marne vaalon ki sankhya 10 ho gayi. Paanch nae maamale bhi saamane aae hain. Shanghai shahar mein echa7ena9 virus ki chapet mein aae ek vyakti ki maut hui. Yahaan teen aur logon ke is khatarnaak virus se sankramit hone ki pushti hui hai. Sarkaari samaachaar agency shinhuaa ke anusaar raashtreeya star par ab tak echa7ena9 ke 38 maamale saamane aae hain aur inmein 10 logon ki maut ho gayi. Poorvi cheen ke jiyaangasoo praant mein is virus ki chapet mein do aur logon ke aane ki pushti hui hai. Shanghai ke prashaasan ka kehna hai ki is khatarnaak virus ke dar ke kaaran ho rahe nuksaan ke maddenajar poltri faarmon ko subsidy ke jariye madad di jaaegi. Is shahar mein beete kuchh dinon ke dauraan 20 hajaar se adhik murge-murgiyon ko maara gaya hai. Raashtreeya svaasthya aur parivaar niyojan aayog ne sabhi svaasthya adhikaariyon se kaha hai ki ve virus ko lekar samay par aur paaradarshi dhang se jaankaari saajha kareinge.

Cheen Mein Bird Flu Se Marne Vaalon Ki Sankhya 10 Hui https://www.angrejinews.com/pic/5245