Cheen Mein Bhookamp Se Ab Tak 200 Ki Maut

World »

Cheen Mein Bhookamp Se Ab Tak 200 Ki Maut

Peiching. . Cheen ke sichuaan praant mein aae shaktishaali bhookamp se marne vaalon ki taadaad badhkar kareeb 200 ho gayi hai. Iske alaava 10,000 se adhik log ghaayal hue hain aur bachaav kaarya yuddh star par chalaaya ja raha hai. Cheen ke sarkaari media ki khabaron mein kaha gaya hai ki sichuaan praant ke lushaan kasbe mein shanivaar ko saat teevrata ka bhookamp aaya. Iske baad kam se kam 1165 jhatke aae jinmein se kuchh ki teevrata richter paimaane par paanch se adhik thi jiski vajah se bachaav abhiyaan aur mushkil ho gaya. Bhookamp ke kaaran dhvast hui imaaraton ke malabe se kareeb 90 logon ko bachaaya ja chuka hai jabki 600 logon ko bhookamp prabhaavit ilaakon se anyatr le jaaya gaya hai. Sarkaari CCTV ki khabaron mein kaha gaya hai ki bhookamp ke kaaran 195 logon ki jaan gayi hai aur kareeb 10,500 log ghaayal hue hain. Mrutakon ki sankhya badhne ki aashanka hai, kyonki ab bhi kai log malabe mein dabe hue hain. Aaj subah cheen ke peele saagar mein 5.0 teevrata ka ek bhookamp aaya. China arthakvek network ke anusaar, subah takareeban saat baj kar 21 minute par aae is bhookamp ka kendra 10 kilometer ki gaharaai mein tha. Kal aae bhookamp se sarvaadhik prabhaavit yaan shahar mein marne vaalon ki sankhya 164 hai. Lushaan kasbe mein kareeb 15 lakh log bhookamp se prabhaavit hue hain. Cheen ke pradhaanamantri li kiyaang kal bhookamp prabhaavit ilaakon mein pahunche aur swayam raahat ke kaam dekh rahe hain. Li ne kaha ki bachaav abhiyaan mein lage log is baat par dhyaan day rahe hain ki samay barbaad na ho aur logon ko jald hi malabe se baahar nikaala jaae. Yaan city ke lushaan kasbe ke kendra mein li asthaayi shiviron, aspataalon, tanbuon mein gaye aur sthiti ka jaayaja liya. Vah bhookamp ki teevrata dekhne ke liye malabe ke dher par bhi chadh gaye the. Bhookamp mein maare gaye logon ke parijanon aur ghaayalon ke prati li ne samvedna jaahir ki aur mauke par raahat evam bachaav kaarya ke baare mein aavashyak nirdesh bhi diye. Sarkaari samaachaar agency shinhuaa ke mutaabik li ne kaha, 'Ham aisi sthiti se gujar chuke hain aur hamein iska anubhav hai. Hamaare paas tvarit sahaayata pranaali hai. Jab ham ekajut raheinge aur bachaav kaarya ko vaigyaanik tareeke se anjaam deinge to is aapada se nuksaan kam se kam hoga aur ham isse ubar bhi jaaenge.

Cheen Mein Bhookamp Se Ab Tak 200 Ki Maut https://www.angrejinews.com/pic/6288