Cheen Ki Chetaavani Ke Baad Bhaarat Ne Navy Eksarsaaij Se Kadam Kheenche

Breaking »

Cheen Ki Chetaavani Ke Baad Bhaarat Ne Navy Eksarsaaij Se Kadam Kheenche

Nai Delhi. . Padosi Pakistan ki chhoti-chhoti galatiyon par dahaadne vaala Bhaarat, cheen ki badi gustaakhi par bhi maun saadh le raha hai. Kya Bhaarat cheen se darane laga hai? Ab yah savaal har deshavaasi ke jehan mein uthane laga hai. Yah savaal yoon hi naheen uth raha hai. Cheen ki chintaaon ka dhyaan rakhate hue Bhaarat achaanak America aur Japan ke saath hone vaale sanyukt nausainik yuddhaabhyaas se hat gaya hai. Cheen ne kaha tha ki Bhaarat, America aur Japan ke sanyuk‍aat nausainik yuddhaabh‍aayaas ka maksad is ilaake mein apna dabadaba kaayam karna hai. Draigan ne in deshon ki sarkaaron ko khuleaam chetaavani dete hue kaha ki aise abh‍aayaas naheen hone chaahiye. Ab savaal uth rahe hain ki kya Bhaarat cheen ki chetaavani ki vajah se isse hat gaya? Pichhle maheene hi cheen ki peepals liberation army (peeelae) Laddakh ilaake mein bhaarateeya seema mein 19 kilometer andar ghuskar 21 dinon tak jami rahi. Cheeni sena tab jaakar peechhe hati, jab Bhaarat ne saamarik drushti se ati mahatvapoorn chumaar se apne bankar ko hataaya. Ek angreji akhbaar mein chhapi khabar ke mutaabik, ghuspaith ki is ghatna ke beech Bhaarat ne America aur Japan ke saath prashaant mahaasaagar sthit guaam dweep mein hone vaale vaale navy eksarsaaij se kadam peechhe kheench liye the. Cheen ki sanvedanasheelata ka dhyaan rakhate hue Bhaarat ne iske badle donon deshon ke saath alag-alag abhyaas karne ka sujhaav diya. Cheen aur America ke navy ofisrs pichhle maheene Bhaarat ke saath tripksheeya abhyaas par charcha karne ke liye aae the. Us dauraan raksha mantraalaya ne pehle Japan ke okinaava dweep mein navy eksarsaaij kiye jaane ki baat rakhi, fir Bhaarat ne kaha ki cheeni ghuspaith se paida hue tanaav ke chalte is eksarsaaij ko dwipaksheeya hi rakha jaana chaahiye. Ant mein raksha mantraalaya ne apne kadam poori tarah se peechhe kheench liye. Bhaarat ke is kadam par ek senior ameriki defence kansalteint ne aashcharya jataaya. Unhonne kaha ki behad hairaani ki baat hai ki America aur Japan eksarsaaij ke baare mein Bhaarat ki jameen par charcha kar rahe the aur vah iska bahish‍aakaar karne mein juta raha.

Cheen Ki Chetaavani Ke Baad Bhaarat Ne Navy Eksarsaaij Se Kadam Kheenche https://www.angrejinews.com/pic/8459