Cheen Ke Shingajiyaang Praant Mein Dhamaakon Mein 31 Ki Maut, Kai Ghaayal

Breaking »

Cheen Ke Shingajiyaang Praant Mein Dhamaakon Mein 31 Ki Maut, Kai Ghaayal

Vaaradaat ki jagah par gheraabandi karte surakshaakarmi (chitr saujanya : Epi) Vaaradaat ki jagah par gheraabandi karte surakshaakarmi (chitr saujanya : Epi) Beijing: cheen ke ashaant shingajiyaang praant ki rajdhani uroomaki ke ek baajaar mein guruvaar ko hue seeriyl blaast mein kam se kam 31 log maare gaye aur 90 anya ghaayal ho gaye. uroomaki mein rahane vaale logon mein jyaadaatar uigur muslim hain aur in hamlon ko charampanthi alagaavavaadiyon dvaara haal ke saalon mein kiye gaye sabse khooni aatanki hamle ke roop mein maana ja raha hai. shinhuaa samaachaar agency ki khabar ke anusaar, pratyakshadarshiyon ne kaha ki do vaahan subah 7 bajkar 50 minute par vyast baajaar mein logon ke beech aae aur chaalakon ke saath baithe logon ne visfotak car se baahar feinke. Baajaar mein in vaahanon mein se ek vaahan mein visfot ho jaane ki vajah se badi sankhya mein log hataahat hue. shinhuaa ne kaha ki ek darjan se jyaada visfoton mein kam se kam 31 log maare gaye aur 90 anya ghaayal ho gaye. Police ne kaha ki ghaayalon ko vibhinn aspataalon mein le jaaya gaya hai. Janasuraksha mantraalaya ne kaha ki is khabar ke failate hi raashtrapati shi chinfing ne aatankiyon ko dandit karne ka sankalp liya aur kaha ki sthirta bahaal karne ke liye koi kasar naheen chhodi jaaegi. Mantraalaya ne is ghatna ko gambhir hinsak aatanki ghatna bataaya. baajaar mein ek vyaapaari ne bataaya ki usane kareeb darjan bhar dhamaakon ki aavaaj suni. Yeh khula baajaar uroomaki shahar mein renamin park ke nikat hai. Baajaar ki or jaane waali sadak ke pravesh dwaar par khadi ambulance aur police ki kaaron ne ghaayalon ko le jaane mein madad ki. Visfot ke baad ghatnaasthal par aag ki lapatein aur dhuaan uthate hue dekha gaya. Visfot ke baad poore ilaake ko ghere mein le liya gaya. Pakistan adhikrut Kashmir aur Afghanistan ki seema se lage shingajiyaang praant mein saalon se hinsa ho rahi hai.

Cheen Ke Shingajiyaang Praant Mein Dhamaakon Mein 31 Ki Maut, Kai Ghaayal https://www.angrejinews.com/pic/51365