Cheen Ke Sankat Se Bhaarateeyon Ke Liye Sooar-maans Ke Bijnas Mein Bada Mauka

Business »

Cheen Ke Sankat Se Bhaarateeyon Ke Liye Sooar-maans Ke Bijnas Mein Bada Mauka

Nai Delhi Kaha jaata hai ki ek vyakti ki samasya, doosare ke liye avsar ban jaati hai. Cheen ki ek samasya se aisa hi avsar bana hai Bhaarat ke maans kaarobaariyon ke liye. Daraasal, cheen mein afreekan swine feevar fail gaya hai. Is mahaamaari ke kaaran vahaan pichhle do saalon mein 1.4 arab sooaron ki jaan leni pad gayi. Sooaron ki yeh sankhya cheen ki janasankhya ke baraabar hai. Itni badi taadaad mein sooaron ko maarane se cheen mein is varsh sooar ke maans ke daam mein bade ijaafe ka anumaan lagaaya ja raha hai. Trade vaur: America ka javaab naheen de paane se cheen pareshaan Daraasal, cheen sooar maans ke utpaadon ka sabasa bada utpaadak hai. Majedaar baat yeh hai ki duniyaan mein sabse jyaada sooar ke maans ki khapat bhi cheen mein hi hoti hai. Ab Bhaarat ke faayde ke lihaaj se sochein to duniya mein sooaron ki paanchaveen sabse badi aabaadi wala desh hone ke kaaran Bhaarat ko cheeni market se apni haisiyat badhaane ka mauka hai. Bhaarat mein sooar-maans ke udyog ke falane-foolane ki apaar sambhaavana hai kyonki yahaan abhi duniya ke mahaj 1.05% sooar hi hain. Yeh kaisi vidanbana? Cheeni calendar ke mutaabik, 2019 sooaron ka varsh hai. Lekin, vidanbana dekhiye ki vahaan is varsh ke aakhir tak sooaron ki taadaad 20 karod tak ghatne ki aashanka hai. Iski vajah beemaari se sooaron ki maut aur ehatiyaatan use maarana hai. Itni ehatiyaat tab barati ja rahi hai jab afreekan swine flu insaanon ke liye nukasaanadaayak naheen hota hai. Lekin, doosra paksh yeh hai ki sooaron ki is beemaari ka koi ilaaj ya vaiksin ijaad naheen ho paaya hai. Is kaaran se yeh Africa se Europe aur roos hote hue viytanaam aur kanbodiya jaise Asiaee deshon mein fail raha hai. Trade vaur: Ghaate ka aankada jisse cheen par aagababoola hua America Teji se badh rahi hai mushkil Pichhle varsh August mein yeh mahaamaari failane ke baad cheen mein sooaron ke maans ki keematein is varsh February-April ke beech aasmaan chhoone lageen. Vahaan, abhi jinda sooar 1.73 dollar se lekar 2.25 dollar prati kilo ki dar se bik rahe hain. Anumaan hai ki jald hi yeh aankada 2016 ke 3.05 dollar prati kilo ke sarvochch star ko paar kar jaaega. Cheen ke sarkaari adhikaari keematein badhne se chintit hain. Unhein dar sata raha hai ki kaheen janta ka gussa na foot pade kyonki vahaan sooar ke maans ki jabardast demand hai. In 4,000 tarah ke ameriki praudakts par ki tairif badhaane ki taiyaari mein cheen Trade vaur ka sankat Daraasal, trade vaur ke chalte pichhle varsh America pork praudakts ke aayaat par 62% tairif lagaane ke baavajood cheen mein America se 1.70 lakh tan pork praudakts aayaat ho chuka hai jo 2017 mein hue aayaat ki maatra se bhi jyaada hai. Kaha ja raha hai ki is varsh yeh aankada 3 lakh tan tak pahunch sakta hai jo ek naya record hoga.

Cheen Ke Sankat Se Bhaarateeyon Ke Liye Sooar-maans Ke Bijnas Mein Bada Mauka https://www.angrejinews.com/pic/274875