Cheen Ke Sainikon Ki Laddhaakh Mein Ghuspaith

World »

Cheen Ke Sainikon Ki Laddhaakh Mein Ghuspaith

Leh/nai Delhi. . Bhaarat ki seema mein cheen ki or se ghuspaith ka maamala saamane aaya hai. Beeti 15 April ki raat cheen ke kareeb 50 sainik kareeb 17 hajaar feet ki oonchaai par poorvi laddhaakh ke daulat beg oldi (deebeeo) sector mein ghus aae. Unhonne tanboo mein apni chauki khadi kar li. Yah jagah Bhaarat ki seema mein kareeb 10 kilometer andar hai. Sootron ke mutaabik, aaiteebeepi ne is jagah se 300 meter door camp bana liya hai. Aaiteebeepi afsaron ne cheen ko flaig meeting ka prastaav bheja hai, jiska koi javaab abhi naheen mila hai. Naurdarn command ke pravakta Colonel raajesh kaaliya ne itna hi kaha ki vaastavik niyantran rekha ko lekar vivaad ke chalte poorvi laddhaakh mein aisi ghatnaaen hoti hain, jinhein maujooda vyavastha mein aapasi baatcheet se sulajha liya jaata hai. Unhonne cheen ki or se ghuspaith ke baare mein isse jyaada jaankaari dene se inkaar kar diya. Is beech, pahaadi ilaakon par ladaai mein mahaarat rakhane vaale bhaarateeya sena ke paidal daste 'Di laddhaakh skaaut' ko bhi tanaavagrast bataai ja rahi jagah ke liye ravaana kar diya gaya hai. Us jagah aam naagrikon ki koi aabaadi naheen hai. Deebeeo Bhaarat aur cheen ke beech vyaapaar ka puraana raasta hai.

Cheen Ke Sainikon Ki Laddhaakh Mein Ghuspaith https://www.angrejinews.com/pic/6157