Cheen Dava Kaarkhaane Mein Aag Se 10 Ki Maut

World »

Cheen Dava Kaarkhaane Mein Aag Se 10 Ki Maut

Peiching Cheen ke shaandong praant mein ek dava company ke kaarkhaane mein lagi aag mein 10 logon ki maut ho gayi jabki 12 anya ghaayal ho gaye. Pichhle ek maah mein yeh desh mein chauthi badi audyogik durghatana hai. China daily ki khabar ke anusaar dava company mein aag ki ghatna jiyaan shahar mein hui. Report ke anusaar is durghatana mein 10 logon ki maut ho gayi aur 12 log ghaayal ho gaye. Isse pehle 31 March ko bhi cheen ke jiyaangasu praant mein kabaad ki dhaatu ko dhaalane ke sanyantr mein visfot se saat logon ki maut ho gayi thi jabki paanch log ghaayal hue the. Iske alaava 30 March ko shaandong mein hui ghatna mein paanch logon ki maut ho gayi aur 22 March ko hui ghatna mein 78 logon ki maut hui aur 600 se adhik log ghaayal ho gaye. Is ghatna ke baad cheen ki sarkaar ne deshbhar mein rasaayan udyog ke kaarkhaanon ke nireekshan ke aadesh de diye hain taaki vahaan bade star ke visfot ko roka ja sake.

Cheen Dava Kaarkhaane Mein Aag Se 10 Ki Maut https://www.angrejinews.com/pic/268130