Cheen Bhookamp Ab Tak 200 Se Jyaada Mare

World » Monday, April 22, 2013

agencyan . Peiching : Cheen ke sichuaan praant mein aae jabardast bhookamp ki vajah se marne vaalon ki taadaad ravivaar ko 200 se jyaada ho gayi. Is aapada mein 11 hajaar se jyaada logon ke ghaayal hone ki khabar hai. Bhookamp prabhaavit ilaakon mein raahat aur bachaav ka kaam poore jor-shor se chalaaya ja raha hai. Sichuaan praant ke lushaan County mein shanivaar ko 7 teevrata ka bhookamp aaya tha. Iske baad kam se kam 1165 jhatke aae the jinmein se kuchh ki teevrata richter skel par paanch se adhik thi. Is vajah se raahat aur bachaav ka kaam aur mushkil ho gaya. Bhookamp ki vajah se barbaad ho chuki imaaraton ke malabe se kareeb 90 logon ko bachaaya ja chuka hai. Iske alaava 600 logon ko bhookamp prabhaavit ilaakon se doosari jagahon par le jaaya gaya hai. Cheen ki media riporton mein kaha gaya ki marne vaalon ki taadaad abhi aur badh sakti hai kyonki kai logon ke abhi bhi malabe mein dabe hone ki aashanka hai. Is aapada se yaan shahar sabse jyaada prabhaavit huaa hai jahaan marne vaalon ki taadaad 164 se jyaada hai. Lushaan mein kareeb 15 lakh log bhookamp se prabhaavit hue hain.