Champion Hone Se Dabaav Naheen, Aatmavishvaas Badhega Gambhir
Cricket » Thursday, March 28, 2013
Nai Delhi. . Team India mein vaapasi ki koshish mein jute opener Gautam gambhir ne khud ko Indian Premier league (IPL) 6 ke liye fit karaar diya hai. Gambhir ne guruvaar ko yahaan kaha ki unki team Kolkata night Riders (kekeaar) par IPL ki maujooda champion hone ke kaaran dabaav naheen hai balki isse unke khilaadi badhe manobal ke saath maidaan par utareinge. Pehle se behtar mahasoos kar raha hoon naishanal silektars ne gambhir ko Australia ke khilaaf Delhi mein khele gaye chauthe aur aakhiri test match ke liye bhaarateeya cricket team mein chuna tha, lekin peeliya hone ke kaaran vah is test match mein naheen khel paae the. Gambhir ne yahaan cricket portal kriklain ke raashtreeya school league ka udghaatan karne ke baad kaha, 'Main pehle se behtar mahasoos kar raha hoon. Main IPL mein khelne ke liye taiyaar hoon. 'Khilaadi kshamata ke mutaabik pradarshan kareinge jab gambhir se poochha gaya ki IPL ki maujooda champion hone ke kaaran kya unki kekeaar team par dabaav rahega to unhonne kaha, 'Hamaari team pichhle do saal se achha pradarshan kar rahi thi aur jeet ki hakdaar thi. Ham par dabaav naheen hai. Is baar hamaari team adhik aatmavishvaas ke saath khelegi. Pichhle saal kai tarah ke savaal uthaae gaye the ki hamaari team mein kshamata hai lekin ham jeet naheen paate. Ab is tarah ke savaal paida naheen honge. Ummeed hai ki hamaare khilaadi apni kshamata ke anuroop pradarshan kareinge. Yadi Yusuf pathaan, maanavindar bisla aur manoj tivaari jaise khilaadi achha pradarshan karte hain to hamein behtar nateeje mileinge. Kaptaani dabaav vaala kaam hota hai, lekin yadi aap dabaav naheen jhel paate to fir kaptaani naheen kar sakte. 'Khatarnaak hogi sachitr-suneel ki jodi gambhir ne chennai mein shreelankaai cricketeron ko khelne ki ijaajat naheen dene ke faisale ko raajaneetik karaar diya aur ummeed jataayi ki shreelankaai of spinner sachitra senaanaayake aur vest Indies ke spinner suneel Narayan ki jodi is baar IPL mein khatarnaak saabit hogi. Unhonne kaha, 'Chennai ke maichon se shreelankaai khilaadiyon ko door rakhane ka faisala raajaneetik hai. Hamaari team mein senaanaayake hain. Hamein chennai mein keval ek match khelna tha. Ummeed hai ki senaanaayake baaki maichon mein achha pradarshan kareinge. Hamaare paas senaanaayake aur suneel ke roop mein do behatareen spinner hain aur team ko unase kaafi ummeed hai. 'Li ki dohari bhoomika ka milega faayda gambhir ne iske saath hi kaha ki Tamil Nadu sarkaar ke virodh ke kaaran IPL ki gavanirng kaaunsil ke is faisale se chennai super kings ko faayda naheen milega. Unhonne kaha, 'Team 11 khilaadiyon se milkar banti hai. Isse faayda ya nuksaan jaisi koi baat naheen judi hai. Bret li ke baular aur mentor ki dohari bhoomika se team ko faayda milega. Bret li pehle bhi hamaare saath khel chuke hain aur khilaadiyon ko uske saath taalamel bithaane mein dikkat naheen aaegi. Vah yuva khilaadiyon ko prerit karne mein aham bhoomika nibhaaenge.