Chalti Hai Kya 12 Se 3 Magar Raat Mein

Movies »

Chalti Hai Kya 12 Se 3 Magar Raat Mein

Midnaait sho: Mumbai ke baad ab Delhi mein bhi uthane lagi let night shoj ki demand, lekin security ka kya? Chandra mohan sharma. . Pichhle maheene Mumbai ke kuchh theatre maalikon ne Maharashtra sarkaar se aadhi raat ke baad sho chalaane ki rikvest ki thi. Haalaanki vahaan abhi is par koi faisala naheen huaa hai, lekin is beech Delhi-NCR mein bhi yah demand uthane lagi hai. Mumbai aur Delhi jaise metro shaharon mein yah demand daraasal south India ki dekha-dekhi ho rahi hai, jahaan kai shaharon ke cinemagharon mein der raat sho chalte hain. Pichhle saal south mein inheen der raat ke shoj se cinema maalikon ko kuchh jyaada munaafa huaa, to raajya sarkaar ko bhi kareeb 30 feesadi entertainment tax mila. Rajnikant ki kai mega bajat filmein south ke jyaadaatar cinemagharon mein der raat ke sho se hi release hoti hain. Vaise aisa naheen hai ki baulivud ne aisa pehle traai naheen kiya. Vidhu vinod Chopra 'Three idiots' ko aadhi raat ke baad special sho mein release karna chaahate the, lekin security vajahon se aisa naheen ho paaya. Iske badle vidhu ne film ka pehla sho subah 6 baje se chalavaaya, jise jabardast rispauns mila. Vaheen, Delhi mein aadhi raat ke baad sho chalaane ki maang bhale hi jor se uth rahi ho, lekin sarkaari agencyan isse sahamat naheen hain. Delhi police ke ek aala adhikaari ka is baare mein kehna hai ki raat 12 baje ke baad sho chalaane ka matlab poori raat sadkon par logon ka aana-jaana hoga. Aise mein kisi ki inkvaayari karna mushkil ho jaaega. Agar ham kisi aaparaadhik tatv se raat ko poochhataachh kareinge to vah film dekhne ka bahaana bana sakta hai. Film dekhkar laut rahe darshakon ke paas cinema tikt ko check kiya ja sakta hai, lekin film dekhne jaane vaalon ko raat 12 baje ke baad aaidi proof lekar niklana hoga. Delhi ke maahaul ko dekhte hue bhi log yahaan aadhi raat ke baad sho chalaane ke paksh mein naheen hain. Delhi cine darshak parishad ke mahaasachiv ramesh Bajaj kehte hain, 'Delhi mein raat ke time security ishooj honge. Haalaanki cinema maalikon ne is maamale mein film vitrakon ko bhi apne saath kar liya hai, lekin is baat ko najaraandaaj naheen kiya ja sakta. ' film distribyooshan business se jude anil dhyaani kehte hain ki 70-80 ke dashak mein bhi Delhi sahit kuchh shaharon mein durga pooja aur doosare pramukh tyohaaron ke mauke par raat 12 baje baad bhi sho chalte the. Haalaanki is time par naami stars ki mega bajat filmon ko hi rispauns milne ke chaans rahate hain. Cinema maalikon ki sanstha ke pravakta ke anusaar, karodon ke bajat mein bani filmon ki paaireted deeveedi aane se business ghata hai, to aise mein film business se jude logon ko munaafa kamaane ke adhik vikalp milne chaahiye. Tabhi to cinema maalikon ki is anokhi maang ko industry ki ek badi class sahi maanati hai. Filmamekar Kumar mangat kehte hain ki mahaanagaron mein aise tamaam darshak hain, jo der raat ke sho dekhna chaahate hain. Ek saver se yah pata laga hai ki Delhi, Mumbai jaise shaharon ke maltiplekson mein raat 11 ke baad chalne vaale shoj mein 80 feesadi darshak hote hain, to dopahar ke sho mein unki maujoodagi 40 se 60 feesadi rahati hai.

Chalti Hai Kya 12 Se 3 Magar Raat Mein https://www.angrejinews.com/pic/4454