Chali Mumbai Ki Firki, Jeetne Ke Liye Chaahiye 113 Run

Cricket »

Chali Mumbai Ki Firki, Jeetne Ke Liye Chaahiye 113 Run

Ranchi. . Behatareen geindabaaji ka pradarshan karte hue mumbai Indians ne Pune Warriors ki team ko 112 run par samet diya. 8 wicket khokar Pune ne 112 run banaae aur mumbai ko jeetne ke liye 113 run ka aasaan taaraget diya. Is match mein kirn Pollard ke beemaar hone ki sthiti mein IPL ke million dollar baby ji J Maxwell season mein pehli baar maidaan par utare. Mumbai Indians ke geindabaajon ne poori paari mein bahut hi sadhi hui geindabaaji ki jiski shuruaat unhonne pehle hi over se kar di thi. Pehle aur doosare over mein Johnson aur Ahmad ne milkar uthappa aur finch ki naak mein dam kar diya. Do over khatm hone ke baad Pune ka score 2 run tha. Teesare over se uthappa aur finch ka balla chalana shuroo huaa lekin 10 run ke niji score par finch out hokar pavilion laut gaye. Paanchave over mein free hit milne par malinga ki baul par uthappa ne chauka jada lekin agali hi baul par malinga ne unhein LBW kar diya. Uthappa ke baad crease par Yuvraj Singh utare jinhonne sarvaadhik 33 run banaae. Yuvraj ke alaava maneesh Pande ne bhi team ke score mein 29 run ka yogadaan diya. Team ka nichla batting order mumbai ki boling ke aage kuchh khaas kamaal naheen dikha saka aur sirf crease par tikne ke liye khela. Mumbai ki taraf se Johnson ne 4 over mein sirf 8 run dekar 2 wicket liye. Unke alaava Ahmad aur lasit malinga ke hisse bhi 2-2 wicket aae. Harbhajan Singh ne bhi badhiya geindabaaji ki aur 4 over mein 14 run dekar 1 wicket liya.

Chali Mumbai Ki Firki, Jeetne Ke Liye Chaahiye 113 Run https://www.angrejinews.com/pic/8357