Chak Haigal Ne America Ke Nae Rakshaamantri Ke Taur Par Shapath Li
Breaking » Wednesday, February 27, 2013
Washington: Bhaarat par Afghanistan ke maadhyam se Pakistan mein aatankvaad ko badhaava dene ka aarop lagaane ke baad utpann vivaadon ke beech Republican party ke poorv senator chak haigal ne Budhvaar ko America ke nae rakshaamantri ke taur par pad ki shapath li. Viytanaam yuddh ke anubhavi 66 varsheeya haigal ki rakshaamantri ke taur par niyukti ko senate ne lambi bahas ke baad kal manjoori day di. Seenetars ne 58-41 se haigal ko raksha mantri banaane ki manjoori di. Iske saath raashtrapati Obama ke pehli pasand rahe haigal lion peneta ka sthaan leinge. Prashaasan evam prabandhan nideshak Michael L rodas ne ek saadhaaran samaaroh mein haigal ko pad ki shapath dilaai. Samaaroh mein haigal ke parijan aur vibhaag ke karmachaari maujood the. Haigal ke naam ko manjoori milne se Obama prashaasan ko kaafi raahat mili hai. Haigal ka naamaankan lambe samay se lataka huaa tha aur democratic party tatha white house ko sabhi ko inke naam par sahamat karne ke liye kaafi mehnat karni padi. Aisa maana ja raha hai ki haigal ke pichhle bayaanon aur matadaan par naaraajagi ke baavajood kai Republican seenetars ne unke paksh mein matadaan kiya. Republican party ka aarop tha ki haigal Israel ke maamale mein kuchh jyaada hi katu hain, jabki Iran ke saath unka rukh samjhauta karne vaala hai. Republican naato par haigal ke vichaaron se bhi kaafi naaraaj hai. Haigal ne apne bhaashan mein ameriki netrutv waali naato sena ki upayogita aur auchitya par savaal khade kiye the. Haigal ke naam ko manjoori milne par raashtrapati Barack Obama ne kaha ki haigal aise raksha mantri hain jiski America ko jaroorat hai. Unhonne kaha, ''Dvidleeya manjoori ke baad chak haigal hamaare nae raksha mantri hain, hamein aisa mantri mila hai jiski desh ko jaroorat hai aur ek aisa neta jaisa hamaari sena ko chaahiye. '' Bayaan mein Obama ne kaha ki vah Afghanistan mein yuddh ko samaapt karne, sainikon ko vaapas laane, samay-samay par paida hone vaale khataron se nipatne aur sena ko duniya ki sarvashreshth sena banaae rakhane ke maamale mein haigal ke faisalon par vishvaas karte hain. Haigal ko rakshaamantri banaae jaane ki manjoori milne se ek din pehle hi Bhaarat ke sambandh mein unke ek vivaadit bayaan ka video Internet par aaya tha. Afghanistan mein Bhaarat ki bhoomika ke sambandh mein Obama prashaasan ke vichaar ke vipreet haigal ne apne is bhaashan mein aarop lagaaya tha ki Bhaarat varshon se Pakistan ke liye samasyaaen khadi karne ke liye Afghanistan ka istemaal kar raha hai. Oklaahoma Cameroon university mein varsh 2011 mein diye gaye is bhaashan ka (jo kabhi baahar naheen aaya) video 'Washington free bekans' ne upload kiya hai. Bhaarat ne is par teekhi pratikriya vyakt karte hue kaha tha ki aisi tippaniyaan Afghanistan ke kalyaan ke liye usaki pratibaddhata ki 'Sachchaai ke vipreet' hain. Haigal ne us bhaashan mein kaha, ''Kuchh vakt se Bhaarat ne Afghanistan ko hamesha yuddh ke doosare morche (Pakistan ke saath yuddh ka doosra morcha) ke roop mein istemaal kiya hai aur Bhaarat vasharein se Pakistan ki seema (Afghanistan-Pakistan seema) par utpann samasyaaon ka vitt poshan kar raha hai. '' Tippani par teekhi pratikriya vyakt karte hue yahaan bhaarateeya dootaavaas ne kaha, ''Lambe samay se Bhaarat ke mitr aur Bhaarat-America ke nikat sambandhon ki sifaarish karne vaale senator haigal ki yah tippaniyaan Afghanistan ke logon ke kalyaan ke liye Bhaarat ki pratibaddhata ki sachchaai ke bilkul vipreet hain. '' Bhaarateeya dootaavaas ne kaha ki shaantipoorn, sthaai aur samruddh Afghanistan ke prati Bhaarat ki pratibaddhata drudh hai aur yah Afghanistan ki arthavyavastha ke vikaas tatha dhaachaagat suvidhaaon ke vikaas mein hamaari madad se saaf jhalakata hai. Dootaavaas ne kaha, ''Aatankvaad aur hamaare pados mein uske surakshit panaahagaahon par hamaara virodh drudh aur achal hai. ''