Chairiti Ki Paribhaasha Mein Ulajha Tax Dipaartameint

Business »

Chairiti Ki Paribhaasha Mein Ulajha Tax Dipaartameint

sugaata ghosh Mumbai. . Kya shaakaahaar ke gunon ka prachaar-prasaar karna tax se bachane ki paryaapt vajah hai? Court ko kuchh aisi hi daleel par faisala sunaane ko majaboor hona pad sakta hai. Is maamale mein sambandhit paksh iskaun hai. Hare Krishna movement chalaane vaala yah trast aajkal tax masale par kaanooni ladaai ka saamana kar raha hai. Trast ka vejiteriyn restaurant chen govinda inakam tax dipaartameint ki jaanch ke ghere mein aa gaya hai. Tax vibhaag ke liye govinda poori tarah se business hai, jabki iskaun ke mutaabik, logon mein vejiteriyn food ki aadat daalna chairiti hai aur aise mein yah tax se mukt hona chaahiye. Saath hi, govinda ki kamaai ka pramukh hissa chairiti ko diya jaata hai, jo shaakaahaar ke prachaar-prasaar ke liye bukalet chhaapata hai. Haalaanki, tax adhikaari kuchh alag tareeke se sochate hain. Inakam tax dipaartameint ke mutaabik, govinda ki inakam 'Business' ki paribhaasha ke daayare mein aati hai. Pichhle saal appealeeya traaibyoonal ne tax dipaartameint ke stand ko khaarij kar diya tha. Iske baad tax vibhaag ne haai court ka darvaaja khatkhataaya. Trast maamalon ke jaankaar aur senior chaartard akaaunteint Arvind dalaal ne bataaya, 'Agar court is yaachika ko sveekaar kar leta hai, to yah aitihaasik maamala hoga. Aisa isliye bhi ho sakega, kyonki asesameint iyar 2009-10 se chairitebal parapaj ke daayare ko kaafi badha diya gaya hai. ' kaanooni bhaasha ka panga daraasal, kaanoon ki bhaasha aisi hai ki vaise sansthaanon par bhi tax vibhaag ki najar chali gayi hai, jo dhaarmik aur chairiti sansthaan ke daayare mein naheen aati hain. Misaal ke taur par Mumbai ke braandra sthit ek club aur pramukh chamber of Commerce ko bhi tax vibhaag ka notice mila hai. In sansthaanon ko yah bataana hoga ki unhein mebaron se milne waali bhaari rakam par kyon naheen tax lagaaya jaana chaahiye. Tax notice haasil karne vaale is chamber ke ek adhikaari ne bataaya ki industry asosiyeshan ki kamaai ek vaidhaanik gatividhi hai, lihaaja is par tax naheen lagaaya jaana chaahiye. Aise maamalon ka aakhirkaar adaalat ya traaibyoonal mein pahunchana tay hai. Mumbai ki CA farm pi shaah end company mein paartanar anoop shaah ne bataaya, 'Kai aise trast hain, jinki prakruti dhaarmik hai,, lekin inki kamaai gupt daan se naheen hoti. Ab savaal yah hai ki tax vibhaag un mandir trast ki kamaai ko kis tarah dekhega, jinki inakam shraddhaaluon ke baalon ki bikri se hoti hai. . . 'Vaastav mein kis tarah se badla niyam? Haal tak chairitebal trast mein gareebon ki raahat, shiksha aur medical suvidhaaen jaisi gatividhiyaan shaamil theen. 19 December 2008 ko jaari sarkular ke mutaabik, agar koi gatividhi trade, Commerce ya business ke daayare mein hai ya ses ya fees ke liye in gatividhiyon se judi hai to yah chairiti naheen maani jaaegi.

Chairiti Ki Paribhaasha Mein Ulajha Tax Dipaartameint https://www.angrejinews.com/pic/3658