Chainpiyans Trofi Ke Liye Team Ka Ailaan, Yuvraj-gambhir Baahar

Cricket »

Chainpiyans Trofi Ke Liye Team Ka Ailaan, Yuvraj-gambhir Baahar

Mumbai. . Agale maheene hone waali ICC chainpiyans trofi ke liye Bhaarat ki 15 sadasyeeya cricket team ki ghoshana ho gayi hai. Team mein Gautam gambhir, ajinkya rahaane aur Yuvraj Singh ko jagah naheen mili hai. Vaheen Irfan pathaan aur amit mishra ki vaapasi hui hai aur shikhar dhavan ko salaami baitsamain ke roop mein chuna gaya hai. Chainpiyans trofi 6 se 23 June tak England mein kheli jaaegi. Bhaarateeya cricket silektars ke liye sahi salaami jodi aur santulit spin ataik talaashana ek mushkil kaam tha. Sachin Tendulkar ke one-day cricket se retire hone aur dheeli form ke kaaran Virendra Sehwag ke baahar hone ke baad shikhar dhavan ka salaami baitsamain ke roop mein chuna jaana tay tha, lekin Gautam gambhir ko naheen chun kar silektaron ne sabko chaunka diya hai. Gaurtalab hai ki dhavan ne apne test career ka aagaaj Australia ke khilaaf behatareen century jad kar kiya tha. Sandeep Patil ki adhyakshata waali Bhaarat ki silekshan committee ne 6 April ko jab sanbhaaviton ki ghoshana ki thi to Sehwag ke alaava ismein Harbhajan Singh ka bhi naam naheen tha. Iske baad se donon senior cricketeron ke IPL mein pradarshan par silektaron ki najarein theen. ICC ke niyamon ke tahat silektaron ko sambhaavit khilaadiyon se itar bhi cricketeron ko chunane ka adhikaar hoga. Team mein opener ke roop mein murali vijay, shikhar dhavan ko chuna gaya hai. Team is prakaar hai: - Mahendra Singh Dhoni (kaptaan), shikhar dhavan, viraat Kohli, suresh raina, dinesh kaartik, murali vijay, rohit sharma, Ravindra jaadeja, aar. Ashwin, Irfan pathaan, Umesh Yadav, bhuvaneshvar Kumar, ishaant sharma, amit mishra aur vinaya Kumar. Bhaarat ko group 'Bi' mein pehla match 6 June ko south Africa se khelna hai. Vaheen 11 June ko use vest Indies se khelna hai. Bhaarat ki chir pratidvandvi Pakistan se takkar 15 June ko hogi. Australia, new jeelaind, south Africa aur Sri Lanka ki teemein group A mein hain. Har group se top do teemein 19 aur 20 June ko semifinal khelegi. Final 23 June ko hoga.

Chainpiyans Trofi Ke Liye Team Ka Ailaan, Yuvraj-gambhir Baahar https://www.angrejinews.com/pic/7640