Chainpiyans League T20 Delhi Daredevils Ne Kekeaar Ko Haraaya

Cricket »

Chainpiyans League T20 Delhi Daredevils Ne Kekeaar Ko Haraaya

seinchuriyn. . Unmukt chand aur ros Taylor ki umda pariyon ki madad se Delhi Daredevils ne chainpiyans league T-20 mein Kolkata night Riders (kekeaar) ko 52 ranon se hara diya. Group A ke match mein Delhi Daredevils ne pehle batting karte hue 8 wicket par 160 run banaae, jiske javaab mein IPL-5 ki champion team kekeaar 20 overon mein 7 wicket par 108 run hi bana paai. Unmukt ne 40 jabki Taylor ne 36 run ki paari kheli. Donon ne chauthe wicket ke liye sirf 6.4 over mein 63 run batore. Unmukt ne 27 geind ki apni paari mein chaar chauke aur do chhakke maare, jabki Taylor ne 24 geind ka saamana karte hue ek chauka aur do chhakke jade. Main of the match Irfan pathaan ko chuna gaya, jinhonne pehle hi over mein Gautam gambhir aur maanavindar bisla ko out karke kekeaar ko dabaav mein la diya tha. Skorakaard: Delhi Daredevils Vs. Kekeaaradeyaradevils ki shuruaat Delhi Daredevils ko Virendra Sehwag (22 run) aur kaptaan mahela jayavardhane (21) ki jodi ne pehle wicket ke liye 36 run jodkar satark shuruaat dilaai. Jayavardhane ne li ke over mein do chauke maare. Sehwag chhah run ke niji score par bhaagyashaali rahe jab lakshmeepati Balaji ki geind par wicket-keeper maanavindar bisla ne unka catch chhod diya. Jayavardhane aur Sehwag ne paanch over mein 36 run jode. Kolkata ke kaptaan Gautam gambhir ne chhathe over mein geind Narayan ko thamaai. Yah over kaafi dilchasp raha. Narayan ne pehli geind par hi jayavardhane ko bold kar diya. Chauthi geind par bisla ne kevin Peterson ka mushkil catch chhoda jabki agali geind par Sehwag ne ekstra kavar ke oopar se chhakka jada. Bisla ne Narayan ke agale over mein bhi Peterson ka catch chhoda. Pradeep saangavaan ne iske baad Sehwag ko bisla ke haathon catch kara diya. Unhonne 17 geind ka saamana karte hue do chauke aur ek chhakka maara. Peterson bhi li ki geind ko pul karne ki koshish mein deep mid-wicket par Narayan ko catch day baithe. Unhonne 18 geind mein 14 run banaae. Unmukt ne kheli badhiya paari Taylor aur yuva unmukt ne iske baad paari ko sambhaala. Taylor ne saangavaan jabki unmukt ne Jacques kaalis par chhakka jada. Unmukt ko is beech li ki geind par tivaari ne jeevanadaan diya. Vah is samay 14 run banaakar khel rahe the. Taylor ne 17vein over mein Balaji ki lagaataar geindon par chhakka aur chauka jada. Rajat Bhatia ne haalaanki agali geind par deep skveyar leg par unka shaanadaar catch lapka. Taylor ne 24 geind ka saamana karte hue ek chauka aur do chhakke maare. Unmukt ne iske baad over ki antim teen geind par chhakka aur do chauke maare jisse is over mein 30 run bane. Agale over mein Narayan ne boling mein vaapasi ki aur chauthi geind par hi unmukt ko bold kar diya. Narayan ne ek geind baad naman ojha (00) ko bhi pavilion bheja. Delhi ki team antim teen over mein sirf 16 run hi bana saki jismein Balaji ke antim over mein bane 13 run bhi shaamil hain. Balaji kaafi mahange saabit hue. Unhonne chaar over mein 61 run lutaakar do wicket haasil kiye. Mahange pade Balaji kekeaar ke bolar kuchh khaas naheen kar paae. Suneel Narayan ko 3 wicket mile. Lakshmeepati Balaji ko bhi 2 wicket jaroor mile lekin unhonne 4 overon mein 61 run day daale. Bret li, Jacques kaalis aur pradeep saangavaan ko 1-1 wicket mila. Dhah gayi kekeaar ki batting taaraget ka peechha karne utari kekeaar ka top order buri tarah dhah gaya. Shuruaati 7 geindon mein kekeaar ke 3 wicket keval 3 run par gir gaye. Gautam gambhir (0) ko Irfan pathaan ki geind par Peterson ne catch kiya. Braindan McCollum (0) ko morkel ki geind par unamukt chand ne catch kiya. Maanavindar bisla (1) ko pathaan ne LBW kar diya. Paari ke doosare over mein Jacques kaalis ke retired hurt hone se bhi kekeaar ko jhatka laga. Manoj tivaari (33) aur rajat Bhatia (22) ne thodi koshish jaroor ki lekin yah team ko badi haar se bachaane ke liye bhi naakaafi saabit huaa. Bret li ne 13 run banaae. Yusuf pathaan aur pradeep saangavaan ne 11-11 run jode. Delhi ki shaanadaar boling Delhi Daredevils ke sabhi bowleron ne shaanadaar boling ki. Irfan pathaan, morne morkel aur Umesh Yadav ko 2-2 wicket mile. Ajeet aagarakar ko 1 wicket mila. Pavan negi ko koi wicket to naheen mila lekin unhonne 4 over mein 4.5 run ke ausat se keval 18 run dekar apni upayogita saabit ki

Chainpiyans League T20 Delhi Daredevils Ne Kekeaar Ko Haraaya https://www.angrejinews.com/pic/3188