Chaaradhaam Aur Amaranaath Yaatra Ko Lekar Sarkaar Satark

Business »

Chaaradhaam Aur Amaranaath Yaatra Ko Lekar Sarkaar Satark

[ aman sharma | nai Delhi ] Modi sarkaar ne chaaradhaam yaatra aur amaranaath yaatra ke surakshit aayojan ko praathamiktaaon mein sabse oopar rakha hai. Pichhle saal kedaaranaath yaatra ke dauraan baadal fatne se hajaaron shraddhaaluon ki jaan chali gayi thi. Haalaanki is baar sarkaar in yaatraaon ko lekar vishesh satarkata barat rahi hai. Bhaarateeya mausam vibhaag gruh mantraalaya ke saath uttaraakhand sarkaar aur Jammu-Kashmir sarkaar ke saath is maamale mein koordinet kar raha hai. Kuchh dinon pehle gruh mantraalaya ko diye gaye prejeinteshan mein mausam vibhaag ne bataaya tha ki vah chaaradhaam yaatra ke dauraan uttaraakhand sarkaar dvaara chihnit kiye gaye kritikl lokeshans ke baare mein mausam ki jaankaari aur baarish ke poorvaanumaanon ki jaankaari muhaiya karaaega. Vibhaag ne kaha ki vah amaranaath yaatra ke dauraan sector aadhaarit mausam anumaan ki jaankaari muhaiya karaaega. Uttaraakhand sarkaar chaaradhaam yaatra ke maargon rishikesh, shreenagar, rudraprayaag, josheemath aur uttarakaashi ke raaston par disple lagaaega taaki shraddhaaluon ko pal-pal mausam ki jaankaari di ja sake. Bhaarateeya mausam vibhaag, raajya sarkaaron aur aapada prabandhan vibhaag ke adhikaariyon aur gruh mantraalaya ke beech rananeetik baithakon ka daur jaari hai. Iske saath hi workshop ka bhi aayojan kiya ja raha hai. Gruh mantraalaya ko diye gaye prejeinteshan ke mutaabik, 'Aaiemadi chaaradhaam aur amaranaath yaatra ke baare mein imel, faiks, SMS, telephone aur media ke jariye mausam ki jaankaari dega. ' ek varishth adhikaari ne ikanaumik times ko bataaya ki is baar pradhaanamantri kaaryaalaya in yaatraaon ki nigraani karega. Bhaarateeya mausam vibhaag ne haalaanki kendra sarkaar ko is baat ki jaankaari di hai ki uske paas paryaapt maatra mein objaraveshan ke jaroori network naheen hai.

Chaaradhaam Aur Amaranaath Yaatra Ko Lekar Sarkaar Satark https://www.angrejinews.com/pic/53387