Chaar Sagi Bahanon Par Pichkaari Se Feinka Tejaab

Breaking »

Chaar Sagi Bahanon Par Pichkaari Se Feinka Tejaab

Mujaffar nagar. . Uttar pradesh ke shaamali se ek dil dahala dene waali khabar hai. Kuchh baaik savaar yuvakon ne school se duty dekar laut raheen chaar sagi bahanon par pichkaari se tejaab feink diya. Chaaron bahanein buri tarah jhulas gayi hain. Vahaan se gujar rahi ek aur yuvati bhi tejaab se jhulas gayi. Teen bahanon ko Delhi refar kiya gaya hai. Baaki ka sthaaneeya aspataalon mein ilaaj chal raha hai. Vaaradaat mangalvaar ko kaandhala ke nai basti ilaake mein hui. Jaankaari ke mutaabik kamarajahaan (24), aayasha (22), isha (21) aur sonam (19) chaaron bahanein peshe se teacher hain. In dinon chaaron ki hindu intar college mein board egjaam mein duty lagi hui thi. Mangalvaar shaam ko chaaron bahanein duty dekar ghar laut rahi theen. Ve jaise hi kairaana rod sthit chaar khanbha chauk ke paas pahuncheen, peechhe se aae palsar savaar teen yuvakon ne un par tejaab se hamla kar diya. Vahaan se gujar rahi ek yuvati aleesha bhi tejaab ki chapet mein aa gayi. Ladkiyon ki cheekh-pukaar sunakar log jama ho gaye. Paanchon ladkiyon ko turant aspataal le jaaya gaya. Isha, sonam va kamarajahaan ko Delhi refar kar diya gaya hai. Aleesha, aayasha ka ek sthaaneeya aspataal mein ilaaj chal raha hai. Bataaya ja raha hai ki ladkiyon par tejaab pichkaari se feinka gaya. Ek yuvak baaik chala raha tha, jabki peechhe baithe donon yuvakon ke haath mein pichkaari thi. Usi se donon yuvakon ne ek saath tejaab ki bauchhaar kar di. Is vaaradaat ko anjaam dene vaale vaaik savaar yuvakon ka abhi tak koi suraag naheen laga hai. Police baaik savaar yuvakon ki talaash mein juti hai. Yuvakon ne is vaaradaat ko kyon anjaam diya, iska bhi pata naheen chal paaya hai.

Chaar Sagi Bahanon Par Pichkaari Se Feinka Tejaab https://www.angrejinews.com/pic/4242