Chaar Saal Ke Grejueshan Course Se Judi Yaachikaaon Par Tatkaal Sunavaai Se High Court Ka Inkaar

Breaking » Wednesday, June 25, 2014

File photo : Pradarshan karte chhaatr File photo : Pradarshan karte chhaatr Nayi Delhi: Delhi High Court ne aaj Delhi vishvavidyaalaya ke chaar varsheeya snaatak kaaryakram (efavaaiyoopi) se judi do yaachikaaon par turant sunavaai se inkaar kar diya. Inmein se ek yaachika efavaaiyoopi ko laagoo karne ke liye aur doosari iske khilaaf daayar ki gayi hai. ye yaachikaaen nyaayamoorti pratibha raani aur nyaayamoorti vi kaameshvar Rao ki avakaashakaaleen peeth ke samaksh laai gayi theen, jisne kaha, is maamale ko prabhaavi sunavaai ki jaroorat hai, jise kisi avakaashakaaleen peeth dvaara naheen kiya ja sakta. Is par July mein rostar peeth dvaara sunavaai ki jaaegi. peeth ne kaha, ham sthiti ko samajhte hain. Pravesh prabhaavit naheen honge. Bas kuchh dinon ki deri hogi. Maamale ki sunavaai July mein ki jaaegi. Peeth ne yeh bhi kaha ki nyaayaadheesh Rao maamale ki sunavaai naheen karna chaahate, isliye ise yaachikaakartaaon ke anurodh ke mutaabik 27 June ke liye soocheebaddh naheen kiya ja sakta.