Chaaloo Khaate Ka Ghaata 2.5 Feesadi Rah Jaaega Montek

Business »

Chaaloo Khaate Ka Ghaata 2.5 Feesadi Rah Jaaega Montek

nai Delhi. . Plaining kamishn ke depyuti Chairman montek Singh Ahluwalia ne Budhvaar ko bharosa jataaya ki chaaloo khaate ka ghaata agale do-teen saal mein kam hokar graus domestik praudakt (GDP) ka 2.5 feesadi rah jaaega. Is samay yah kareeb paanch feesadi par hai. Unhonne kaha, 'Paaramparik taur par yah (kareint account defisit) 2.5 feesadi par raha hai, jo ki iska santoshajanak star raha hai. Mujhe lagta hai ki do se teen saal mein ham fir is star par honge. Mera maanana hai ki is desh mein aur 20 saal tak kareint account defisit ko GDP ka 2.5 feesadi par rakha ja sakta hai. ' Ahluwalia yahaan Asia paisifik reejanal committee ki baithak ko sambodhit kar rahe the. Pradhaanamantri ki ikanaumik adavaaijari kaaunsil (PMEAC) ne anumaan jaahir kiya hai ki 2012-13 mein kareint account defisit iske GDP ke kareeb paanch feesadi tak rahega. December 2012 ko khatm hue kvaurtar mein yah 6.7 feesadi ki aitihaasik oonchaai par pahunch gaya tha. Unhonne kaha ki nivesh laane ke saath-saath kareint account defisit ka management bhi aavashyak hai. Unhonne kaha, 'Bhaarat ke baare mein koi bhi aisa aarthik anumaan naheen hai jismein kareint account defisit uchch star par naheen ho. Yadi hamamein 8 feesadi ki dar se vruddhi darj karne ki kshamata hai to audyogeekrut deshon ka 8 feesadi ki dar se vruddhi darj karna asambhav lagta hai. ' is sambandh mein Ahluwalia ne kaha ki cash flo fir se Bhaarat aur Asiaee deshon mein hona tarkasangat hai. Unhonne kaha ki haalaanki, Bhaarat ki samasya yah hai ki kareint account defisit bahut uchch star par hai. Aarthik vruddhi mein narami ke baare mein baat karte hue Ahluwalia ne kaha ki vaishvik narami ke alaava Bhaarat kai ghareloo samasyaaon aur aapoorti paksh ki dikkaton ka saamana kar raha hai. Unhonne kaha ki eksaport ghatne mein global slodaaun ki bahut aham bhoomika rahi hai. Haalaanki, ghareloo samasyaaon se bhi is par asar pada hai. Ahluwalia ne kaha ki plaining kamishn haulistik saulyushans par kaam kar raha hai. Desh mein growth badhaane ke liye kai mantraalayon ke beech ko-ordineted aikshan ki jaroorat hai.

Chaaloo Khaate Ka Ghaata 2.5 Feesadi Rah Jaaega Montek https://www.angrejinews.com/pic/7425