Chaaleesavein Janmadin Se Poorv Tendulkar Ko Cricketeron Ka Salaam

Cricket »

Chaaleesavein Janmadin Se Poorv Tendulkar Ko Cricketeron Ka Salaam

Nai Delhi. . Umr ke chauthe dashak ko chhoone ja rahe sachin Tendulkar ki asaadhaaran pratibha aur ranon ki kabhi khatm na hone waali bhookh ko cricketeron ne salaam kiya hai. Sabhi ka ek sur mein kehna hai ki khel ke liye is mahaan ballebaaj ke junoon ki koi tulana naheen ho sakti. Aadhunik cricket ke mahaanatam ballebaajon mein shumaar Tendulkar 24 April ko 40 saal ke ho jaaenge. Aise mein unke saathi cricketeron ne maidaan par unki upalabdhiyon ki jamkar taareef ki. Bhaarat ke poorv kaptaan saurav Ganguly ne sachin ko unke daur ka mahaanatam khilaadi bataaya, jabki Australiaee kaptaan Michael Clark ne kaha ki khel ke liye unka junoon abhootapoorv hai. Ganguly ne ek maigajeen mein chhape lekh mein kaha, 'Maine jitne cricketeron ko dekha hai, unamein vah mahaanatam hain. Mainne braidamen ko naheen dekha, lekin vah lagbhag mukammil cricketer hai. Ranon ki kabhi khatm na hone waali unki bhookh aur asaadhaaran pratibha unhein jeeniys banaati hai. Jab log unki aalochna karte hain to main sirf unke 100 antararaashtreeya shatak unhein dikhaana chaahata hoon. ' sachin Tendulkar ke janmadin par nikaale gaye special edishn mein maigajeen ne maujooda pleyars, fains, Amitabh Bachchan aur lata mangeshakar jaisi hastiyon se baat ki, jo Tendulkar ko lambe samay se jaante hain. Ganguly ne likha, 'Sachin aur ek achhe cricketer mein yah fark hai ki ek achha cricketer pehli paari mein shatak banaata hai to doosari mein ardhashatak banaane ke baad jaroor koi kharaab shot khelega. Ham sabhi ke saath aisa huaa hai, lekin sachin aisa koi mauka naheen deinge aur doosari paari mein bhi shatak banaaenge. ' Australia ke poorv tej geindabaaj glen maikgra ne kaha ki duniya ke jyaadaatar ballebaaj unke prahaar naheen jhel paate the, lekin Tendulkar ke saamane yah rananeeti kaaragar saabit naheen hui. Unhonne kaha, 'Maine hamesha unhein drudhata ke saath khelte dekha. Mujhe unke saamane tabhi safalta mili, jab mainne jyaada kuchh naheen kaha. Mujhe samajh mein aa gaya ki unke saamane jyaada bolne se daal naheen galegi. ' Sri Lanka ke mahaan spinner muthaiya muraleedharan ne kaha ki sachin ne unhein sakaaraatmak soch aur aakraamakata ke saath khelne ke liye prerit kiya. Unhonne kaha, 'Maine pehli baar unhein 1993 mein dekha aur har taraf unheen ke charche the. Vah sirf 19 saal ke the aur one-day mein paanchavein number par ballebaaji ke liye aate the. Main hairaan tha ki kya yah ladka hamaara saamana kar sakega, lekin fir mujhe laga ki yah usase kaheen jyaada mahaan khilaadi hai jitna log sochate hain.

Chaaleesavein Janmadin Se Poorv Tendulkar Ko Cricketeron Ka Salaam https://www.angrejinews.com/pic/6215