Car Ki Takkar Se Baap-bete Ki Maut

India »

Car Ki Takkar Se Baap-bete Ki Maut

ek samvaadadaata. . Hodal hasanapur ke leekhi gaanv ke nikat car ki takkar se saaikal savaar baap-bete ki maut ho gayi. Car driver ko giraftaar kar police ne adaalat mein pesh kiya, jahaan se use jail bhej diya gaya. Sootron se mili jaankaari ke anusaar, Mathura nivaasi suresh gaanv leekhi ke nikat inton ke bhatthe par naukri kar apna aur parivaar ka paalan-poshan karta tha. Ravivaar shaam suresh apne 10 saal ke ladke gopaal ko saaikal par baithaakar hasanapur mein davaai dilaane ke liye gaya tha. Jab vah dava lekar bhatthe ki or lautane laga to peechhe se speed se aa rahi car ne saaikal mein takkar maar di. Car ki takkar se donon baap-bete saaikal se gir gaye aur ghaayal ho gaye. Durghatana ko dekh aaspaas ke log ghatnaasthal par ekatrit ho gaye aur unhonne car chaalak ko bhaagane se pehle daboch liya. Unhonne durghatana ki soochana police ko di. Soochana milte hi police mauke par pahunch gayi. Police ne donon ghaayalon ko ilaaj ke liye aspataal le gayi, is dauraan raaste mein suresh ne dam tod diya. 10 saal ke usakeladke gopaal ne somvaar subah upachaar ke dauraan aspataal mein dam tod diya. Police ne donon shavon ka postmortem karaakar shav parijanon ko saunp diya hai. Police ne somvaar ko car ke driver ko giraftaar kar adaalat me pesh kiya, jahaan se use jail bhej diya gaya.

Car Ki Takkar Se Baap-bete Ki Maut https://www.angrejinews.com/pic/7913