Canara Bank Sone Ke Badle Rin Yojana Ko Saral Banaaega

Business »

Canara Bank Sone Ke Badle Rin Yojana Ko Saral Banaaega

Tiruchiraapalli: Saarvajanik kshetr ka Canara bank sone ke badle rin yojana ko saral banaaega. Iske tahat svarn rin yojana ko nae roop mein pesh kiya jaaega. Isse sone ke badle bank se karj lena utana hi aasaan hoga jitna ki kisi chhote kaarobaari ya niji vitteeya companiyon se hota hai. Bank ke Chairman aur prabandh nideshak Rajiv kishor dube ne kaha, sone ke evaj mein karj ki shartein kisi niji company ke mukaabale jyaada aasaan aur graahakon ke liye anukool hongi. Unhonne kaha ki saath hi bank ki sampatti ke evaj mein karj ko bhi nae roop mein pesh karne ki yojana hai. In donon rin yojanaaon ko abhi antim manjoori naheen mili hai. Dube ne kaha, hamaari in donon rin ko khaas kshetron mein pilot pariyojana ke aadhaar par shuroo karne ki yojana hai. Charanbaddh tareeke se ise anya kshetron mein shuroo kiya jaaega. Unhonne kaha ki bank ki aane vaale varsh mein 5,000 karmachaariyon ki niyukti ki yojana hai. Bank apni shaakhaaon ki sankhya maujooda 3,676 se badhaakar 5,000 karne ki yojana hai aur iske liye use karmachaariyon ki jaroorat hai.

Canara Bank Sone Ke Badle Rin Yojana Ko Saral Banaaega https://www.angrejinews.com/pic/2170