Cabinet Se Jaayasavaal Ko Barkhaast Karein PM SP

India »

Cabinet Se Jaayasavaal Ko Barkhaast Karein PM SP

Lucknow. . Keindreeya ispaat mantri beni prasaad varma par hamle ke baad ab SP ke gusse ka shikaar keindreeya koyala mantri shri prakaash jaayasavaal bane hain jaayasavaal ne UP sarkaar par bhrashtaachaar ke aarop lagaae the. Uttar pradesh ke lokanirmaan mantri shivpaal Yadav ka kehna hai ki jaayasavaal se pradhaanamantri ko turant isteefa lena chaahiye. Agar ve isteefa na dein to unhein keindreeya mantrimandal se fauran barkhaast kiya jaana chaahiye. Jaayasavaal ne shukravaar ko UP sarkaar par laptop aur tablet baantane mein kendra sarkaar se milne vaale dhan ka durupayog hone ka aarop lagaaya tha. 'Koyala ghotaale mein khud aaropi' shivpaal ne kaha ki jaayasavaal ka naam khud koyala ghotaale mein uchhal chuka hai. Unhein is ghotaale mein clean chit naheen mil paaegi. Unke kaaran is ghotaale mein pradhaanamantri ka naam bhi aaya. Pradhaanamantri ko pehle unhein lokataantrik vyavastha ka paath padhaana chaahiye, taaki vah mantri ke taur par apni jimmedaariyon ko achhi tarah se nibha sakein. 'Kendra se paisa lena raajyon ka hak' shivpaal ne kaha ki lokataantrik vyavastha mein raajyon ka yah adhikaar hota hai ki vah kendra sarkaar se paisa lein. Unhonne kaha ki UP ko milne vaale dhan ka abhi tak keval 40 feesadi hissa kendra ne diya hai. Agar kendra sarkaar is mad mein saari raashi release karti to uttar pradesh mein vikaas ki raftaar nishchit roop se tej hogi. 'Modi se gupt samjhauta to naheen' jaayasavaal ke Gujarat model ki prashansa karne par shivpaal ne kaha ki pehle jaayasavaal ko ek baat spasht karni chaahiye ki kya unki party ka koi gathajod Gujarat ke mukhyamantri Narendra Modi se to naheen hai. Unhonne kaha ki Gujarat ka vikaas Modi ki vajah se naheen, udyogapatiyon ke chalte huaa hai.

Cabinet Se Jaayasavaal Ko Barkhaast Karein PM SP https://www.angrejinews.com/pic/4711