Cabinet Ne Di 'Raashtreeya Kaamadhenu Aayog Ke Gathan Ki Manjoori

India »

Cabinet Ne Di 'Raashtreeya Kaamadhenu Aayog Ke Gathan Ki Manjoori

Nai Delhi Govansh ke sanrakshan aur sanvarddhan ke liye 'Raashtreeya kaamadhenu aayog' ke gathan ke prastaav ko keindreeya mantrimandal ne Budhvaar ko manjoori de di. Pradhaanamantri Narendra Modi ki adhyakshata mein mantrimandal ki baithak ke baad jaari ek bayaan mein yeh jaankaari di gayi hai. Bayaan mein kaha gaya hai, 'Raashtreeya kaamadhenu aayog ke gathan se desh mein govansh ke sanrakshan, suraksha aur sanvarddhan ke saath unki sankhya badhaane par dhyaan diya jaaega. Ismein svadeshi gaayon ka sanrakshan bhi shaamil hai. ' Sarkaar ka maanana hai ki isse pashudhan kshetr ki vruddhi hogi. Iske samaaveshi hone ke kaaran isse mahilaaon aur chhote evam seemaant kisaanon ko faayda hoga. Yeh aayog pashupaalan, pashu vigyaan aur krushi se jude kendra evam raajya sarkaaron ke vishvavidyaalayon, vibhaagon aur sangathanon ke saath milkar karega. Vitt mantri peeyoosh Goyal ne shukravaar ko sansad mein pesh 2019-20 ke antarim bajat mein is aayog ke gathan ka prastaav kiya tha. Iska uddeshya desh mein govansh ke vikaas evam sanrakshan ke liye neetigat vyavastha evam disha prastut karna hai. Aayog yeh bhi dekhega ki desh mein go-kalyaan ke liye niyamon aur kaanoonon ka kis tarah se samuchit anupaalan sunishchit kiya ja sakta hai. Kendra sarkaar ne aam bajat mein is yojana ke liye 750 karod rupaye ki rakam dene ka ailaan kiya tha. Kendra sarkaar ki is yojana ko lekar mili-juli pratikriya mil rahi hai. Kuchh logon ka maanana hai ki isse aavaara pashuon ki samasya se nijaat katai naheen milega. Bheeshmanagar gaanv ke kisaan ratan Singh ka kehna hai ki kaamadhenu yojana ke tahat gaayon ka sanrakshan kiya jaaega. Usaka faayda chand log hi le leinge lekin kshetr mein fasalon ko barbaad kar rahe hajaaron doosare aavaara pashuon se nijaat kaise milegi?

Cabinet Ne Di 'Raashtreeya Kaamadhenu Aayog Ke Gathan Ki Manjoori https://www.angrejinews.com/pic/253114