CM Ne Kiya Karodon Ki Pariyojanaaon Ka Udghaatan
India » Friday, April 26, 2013
ek samvaadadaata . Revaadi dakshin Haryana ko ek bada tohafa dete hue Haryana ke mukhyamantri bhoopeindr Singh hudda ne revaadi jile ke meerapur gaanv mein indira Gandhi university ki sthaapana ki ghoshana ki. Saath hi unhonne kareeb 161 karod rupaye ki vibhinn pariyojanaaon ka udghaatan aur shilaanyaas kiya. Is mauke par unhonne kaha ki revaadi ke saath-saath Gurgaon mein bhi 2 university ki sthaapana ki jaaegi, jismein se ek desh ki pehli defence university hogi. Defence university ki ghoshana raksha mantri pehle hi kar chuke hain, jiski aadhaarashila 23 May ko pradhaanamantri Manmohan Singh rakheinge. 16 pariyojanaaon ka udghaatan hudda guruvaar ko bijli mantri captain Ajay Singh Yadav dvaara aayojit vikaas rally mein bhaag lene ke liye meerapur gaanv pahunche. Is dauraan unhonne revaadi jile mein lagbhag 160 karod, 64 lakh rupaye se adhik ki laagat waali 16 vibhinn pariyojanaaon ka udghaatan aur shilaanyaas kiya. Rally ko sambodhit karte hue hudda ne kaha ki aane vaale 8 varshon mein revaadi vikaas ke maamale mein Gurgaon ko peechhe chhod dega. Revaadi mein divepalameint unhonne revaadi shahar ke vikaas ke liye Rajiv Gandhi shahari vikaas mission se 5 karod rupaye aur gaanvon ke vikaas ke liye Haryana graameen vikaas nidhi se 10 karod rupaye dene ki ghoshana ki. Iske alaava, meerapur gaanv ke vikaas par 1 karod rupaye kharch karne ke saath-saath revaadi mein auto market aur dhaarooheda mein 50 bistaron ka aspataal banaane ki bhi ghoshana ki. Meerapur ke reejanal center ko university ka darja dene ke alaava captain Ajay Singh Yadav dvaara rakhi gayi lagbhag 90 maangon ke baare mein mukhyamantri ne kaha ki in par uchit nirnaya liya jaaega. Androoni gutbaaji par nishaana is dauraan Haryana Congress ke adhyaksh foolachand mulaana ne kaha ki pradesh mein sabhi kshetron ka chahunmukhi vikaas ho raha hai aur sabhi vargaaein ke liye kalyaanakaari yojanaaen laagoo ki gayi hai. Bhedabhaav ka aarop lagaane vaalon par unhonne seedha hamla bolte hue kaha ki kuchh log jis thaali mein khaate hai, usi mein chhed karte hain. Is dauraan captain Yadav ne kaha ki mukhyamantri pradesh mein bina bhedabhaav ke vikaas kar rahe hain. Chala udghaatan ka daur meerapur rally ke baad hudda ne revaadi sthit jimkhaana club mein 5 karod , 39 lakh , 20 hajaar rupaye ki laagat se banaae gaye bainkvit hall ka udghaatan kar janta ko samarpit kiya. Iske baad unhonne revaadi mein 15 lakh rupaye ki laagat se nirmit pandit chiranjeelaal smruti hall ka udghaatan kiya. Is beech unhonne baaval rod par 7 karod , 32 lakh , 75 hajaar rupaye ki laagat se 16 ekad mein banaai gayi nai sabji mandi ka udghaatan kiya.