CM Ne Kaha, Jeepeees Vaale Meter Lagaane Honge

India »

CM Ne Kaha, Jeepeees Vaale Meter Lagaane Honge

varishth samvaadadaata . Nai Delhi auto kiraaye mein badhotri ko Delhi sarkaar ki hari jhandi milne ke baad shanivaar subah auto unions ke padaadhikaari aur auto chaalak mukhyamantri sheela Dixit se unke nivaas par mile. Unhonne kiraaye mein badhotri ke liye CM ka aabhaar jataaya. Parivhan mantri ramaakaant Goswami bhi vahaan maujood the. Auto chaalakon se mulaakaat ke dauraan CM ne kaha ki sarkaar ne auto chaalakon ki maangon par sahaanubhooti ke saath vichaar kiya aur auto kiraaye mein paryaapt badhotri ki hai. Ab auto chaalakon ki yah jimmedaari banti hai ki ve janta ke saath achha vyavahaar karein, unase uchit kiraaya lein aur meter se hi chalein. CM ne auto chaalakon se kaha ki ab unhein janta ko shikaayat ka mauka naheen dena chaahiye. Unhonne kaha ki agar aapka vyavahaar sahi rahega, to sarkaar ko bhi aapki madad karne mein koi sankoch naheen hoga. Unhonne yah bhi saaf kar diya ki ab sabhi auto chaalakon ko apne auto mein jeepeees se lais meter bhi lagavaana hoga. Parivhan mantri ramaakaant Goswami ne bhi auto chaalakon se kaha ki sarkaar ne jis tarah se un par bharosa rakhakar kiraaye mein badhotri ko manjoori di hai, usi tarah ab unhein bhi sarkaar ka bharosa kaayam rakhana chaahiye. Parivhan mantri ne auto chaalakon ko yah bhi aashvaasan diya ki sarkaar unki doosari samasyaaon ka bhi jald nivaaran karegi. Auto unions ke padaadhikaariyon ne bhi CM ko bharosa dilaaya ki auto chaalak janta ko tang naheen kareinge aur agar koi aisa karta hai, to uske khilaaf kada action liya jaae. Unions ismein koi dakhalandaaji naheen karegi.

CM Ne Kaha, Jeepeees Vaale Meter Lagaane Honge https://www.angrejinews.com/pic/9002