CIA Ka Mukhabir Tha Kim Ka Sautela Bhaai Media

World »

CIA Ka Mukhabir Tha Kim Ka Sautela Bhaai  Media

Washington, 11 June (bhaasha) uttar Korea ke neta kim jong un ke sautele bhaai kim jong naam CIA ke liye mukhabiri ka kaam karte the aur CIA ke kaarinde kai baar unase mulaakaat kar chuke the. Media mein aayi khabaron mein is baat ki jaankaari di gayi. kim jong naam ki hatya 2017 mein Kuala Lumpur antararaashtreeya havaaiadde par kar di gayi thi. Do mahilaaon ne unke chehare par kuchh lagaaya tha jo sambhavat: Narv gas thi. Iski vajah se naam ki maut hui. Havaaiadda adhikaariyon ko ghatna ke baare mein soochit karne ke baad unhein ambulance se aspataal le jaaya gaya jahaan doctoron ne unhein mrut ghoshit kar diya. dakshin Korea evam ameriki adhikaariyon ne bataaya ki uttar Korea ke adhikaariyon ne kim ko maarane ka aadesh diya tha kyonki vah unke parivaar ke vanshavaadi shaasan ke liye sankat ban gaye the. Baharahaal uttar Korea ne in aaropon ka khandan kiya hai. kim aur CIA ke beech sambandh ko lekar vistrut jaankaari ab tak aspasht hai. 'Wall street journal' ki report ke anusaar CIA ke guptacharon ne 45 varsheeya kim se kai maukon par mulaakaat ki thi. akhbaar ne ''Maamale ki jaankaari rakhane vaale anaamit vyakti'' ke havaale se yeh khabar prakaashit ki.

CIA Ka Mukhabir Tha Kim Ka Sautela Bhaai Media https://www.angrejinews.com/pic/280587