CEO Hi Naheen, Doosare Leedars Ki Talaash Mein Bhi Juti Infi

Business »

CEO Hi Naheen, Doosare Leedars Ki Talaash Mein Bhi Juti Infi

[ varun sood | bangaluru ] naya CEO talaash rahi Infosys ab isse neeche ke leval ke liye apne ofishiyls ka moolyaankan kara rahi hai. Ismein vah America ki ek ivailyooeshan speshalist farm ki madad le rahi hai. Infosys apne chhah vaais presideints ke baare mein divelapameint daaimeinshans international se feedabaik legi aur iske baad hi kisi egjikyootiv ko bada rol dene par faisala karegi. Pichhle saptaah Infosys ke do presideints mein se ek bi ji shreenivaas ke company chhodne ke baad yeh faisala kiya gaya hai. Ghatnaakram ki jaankaari rakhane vaale do logon ne bataaya ki midl leval ke mainejars ke deedeeaai ki or se kiye gaye ivailyooeshan se bhi company ko leedars ka naya set taiyaar karne mein madad milegi, jo iski chhah business yoonits ko raftaar dene mein bhoomika nibhaaenge. Moolyaankan ke daayare mein aane vaale midl leval ke mainejars mein esosiyet vaais presideints bhi shaamil honge. Is prauses se seedhe jude ek egjikyootiv ne bataaya ki CEO ke liye is vakt chal rahe aantarik moolyaankan se aise leedars ko chinhit karne mein madad milegi, jinhein company badi bhoomika de sake. Deedeeaai India ke emadi Andrew vaaren smith ne is baare mein jaankaari dene se inkaar kar diya. Deedeeaai ke ameriki office ko bheje gaye imel ka javaab naheen mila. Infosys ke spoksaparsan ne bhi ditels dene se yeh kehte hue mana kar diya ki aisi koi bhi prakriya Infosys ka aantarik maamala hogi aur hamein iske baare mein koi jaankaari naheen hai. Infosys ne 11 April ko deedeeaai ko jimma saunpa tha ki vah CEO S di shibulaal ka uttaraadhikaari company ke adhikaariyon mein se khoje. Shibulaal ne January 2015 mein tay apne ritaayarameint se pehle hi pad chhodne ki ichha jataai hai. Deedeeaai ne 2004 mein Infosys ke saath kaam karna shuroo kiya tha. Usane company ko 2007 tak sales teen guni (lagbhag 24,000 karod rupaye) karne mein madad di. Deedeeaai ne klaaints ke saath behtar deal karne vaale egjikyootivs ki pehchaan kar Infosys ki sales team ko durust kiya tha. Haalaanki kuchh eksaparts is baat par shak jata rahe hain ki keval leedars chinhit kar lene se Infosys ki mushkilein door ho sakti hain, khaas taur se yeh dekhte hue ki company kuchh aur senior egjikyootivs ke agale kuchh hafton mein chale jaane ke khatre ka saamana kar rahi hai. Inmein se kuchh ka moolyaankan deedeeaai kar chuki hai. Saal 2012 tak Infosys ki ek business unit ke head rahe ek egjikyootiv ne kaha ki company ke saamane sabse bada jokhim yeh naheen hai ki iske paas paryaapt leedars naheen hain. Sabse badi chunauti unhein company mein banaae rakhane ki hai. Unhonne kaha ki Infosys ko aatmanireekshan karna chaahiye ki vah apne leedars ko kyon jode naheen rakh pa rahi hai.

CEO Hi Naheen, Doosare Leedars Ki Talaash Mein Bhi Juti Infi https://www.angrejinews.com/pic/52717