CCTV Kaimaron Se Rakhi Jaaegi Shahar Par Najar

India » Tuesday, March 26, 2013

enabeeti news . Agra law end order ki sthiti durust karne ke liye police prashaasan shahar ke kareeb 30 chauraahon par CCTV camere lagaane ki taiyaari kar raha hai. Yojana ka prastaav taiyaar kar use shaasan ko bheja jaaega. Sveekruti milte hi shahar ke pramukh chauraahon par CCTV camere laga diye jaaenge. Gaurtalab hai ki shahar mein aae din hone waali chhedchhaad aur chain snaiching ki vaaradaat ko rokane ke liye jila prashaasan ne CCTV camere lagaane ki yojana banaai hai. Is disha mein Agra jon ke aaiji aashutosh Pande ki adhyakshata mein gathit ek committee kaam kar rahi hai. Yah committee shahar ke chauraahon par CCTV camere lagavaane ka prastaav taiyaar kar rahi hai. Aaiji Pande ne bataaya ki CCTV camere lagaane ki yojana par kaam shuroo ho gaya hai. Iske liye shahar bhar ke chauraahon ka sarve karaaya ja raha hai. Unhonne jaankaari di ki pehle charan mein shahar ke 30 chauraahon ka sarve karaaya ja raha hai. Yah kaam Delhi aur baahar ki companiyon ke pratinidhi kar rahe hain. Sarve report taiyaar hone ke baad visheshagya bataaenge ki shahar ke kis chauraahe par kaun sa camera lagaana kaaragar saabit hoga. Saath hi is dauraan kaimaron ki sthiti bhi tay ki jaaegi, jisse aaspaas ke ilaakon par najar rakhi ja sake. Unhonne bataaya ki chauraahon par lage sabhi kaimaron ko jeepeeaaraes system se joda jaaega, jisse jaroorat padne par sabhi kaimaron ko ek saath oparet kiya ja sakega. Pehle charan mein chal rahe is sarve mein shahar ke vyastatam mahaatma Gandhi maarg ke sabhi chauraahon ko shaamil kiya gaya hai