CBI Laai Siyaasi Maahaul Mein Aur Saragarmi

India » Friday, April 26, 2013

Vishesh samvaadadaata . . Nai Delhi koyala ghotaale ko lekar sarkaar ki mushkilein kam hoti naheen dikh raheen. Sansad ka maujooda session jahaan isse garm hai vaheen maamale mein CBI dvaara Supreme court mein daakhil halafanaame ke baad siyaasi saragarmi aur tej ho gayi. Sarkaar poore din saansat mein rahi. Kaanooni mantri ghere mein sarkaar ne kaanoon mantri ashvini Kumar ke isteefe ki vipaksh ki maang ko fauri taur par khaarij kar diya hai. Haalaanki, khud sarkaar bhi maan rahi hai Kumar ka bhavishya kaafi had tak aagaami 30 April ko is maamale mein aane vaale Supreme court ke rukh par nirbhar hoga. Kumar ke isteefe ke baare mein sansadeeya kaaryamantri Kamalnath ne kaha ki ki kaanoon mantri ke isteefe ka savaal hi naheen uthata. CBI ki report ke sambandh mein unhonne kuchh galat naheen kiya hai. Maahaul mein saragarmi shukravaar ko CBI ke halafanaame ke baad sarkaar, kaanoon mantri aur pradhaanamantri par vipaksh ke hamle aur tej ho gaye. Maahaul se nipatne ko lekar sarkaar ke manager bhi dinbhar sakriya rahe. Ashvini Kumar ne pradhaanamantri aur soniya Gandhi se mulaakaat ki aur donon ke saamane apna paksh rakha. Mulaakaat ke baad unhonne kaha ki mainne kuchh galat naheen kiya hai. Sachaai ki jeet hogi. Doosari taraf, UPA ke ghatak dalon ke saath soniya aur PM sahit Congress ke kuchh netaaon ki meeting hui. Sootron ke mutaabik, ghatak dalon ne sarkaar ki girti saakh ko lekar chinta jaahir ki. Bataaya jaata hai ki baithak mein tay huaa ki filhaal ashvini Kumar isteefa naheen deinge aur is baare mein antim faisala 30 taareekh ko Supreme court ka rukh saamane aane par hi hoga. Sarkaar ki chunauti sarkaar ki chunauti jahaan JPC ki report aur CBI ke halafanaame se paida hui dikkaton se nipatne ki hai vaheen doosra sabse bada kaam sansad ko chalavaana hai. Kamalnath ne shukravaar ko kaha ki UPA ki baithak mein sansad mein pichhle chaar dinon se jaari gatirodh aur ise door karne ke upaayon par bhi charcha hui.