CBI Kare Shaarada Ghotaale Ki Jaanch Supreme Court

Business »

CBI Kare Shaarada Ghotaale Ki Jaanch Supreme Court

Nai Delhi Supreme court ne shukravaar ko shaarada chit fund ghotaale ki jaanch ka kaam CBI ko saunpane ka aadesh diya hai. Court ne pashchim Bengal, Orissa aur asam mein is karodon rupaye ke ghotaale ki jaanch ke aadesh diye hain. Supreme court ka yeh aadesh pashchim Bengal ki mamata Bannerjee sarkaar ke virodh ke baavajood aaya hai. Yeh faisala mamata sarkaar ke liye sirdard ban sakta hai. Pichhle saal April mein saamane aae is ghotaale mein Bengal, Orissa, asam ke alaava tripura aur jhaarankhad ke hajaaron logon ne karodon rupaye ganva diye the. Shaarada group ke pramukh sudeept sen February mein Kolkata ki ek adaalat ne teen saal ki saja sunaai thi. Sen ne provideint fund niyamon ke ullanghan ka dosh kabool kiya tha. Is ghotaale par pashchim Bengal mein khoob raajaneetik hangaama bhi hua hai. Vipaksh raajya ki CM mamata Bannerjee aur sattaadhaari party ke kuchh netaaon ke shaarada sahit kai ponji skeemon se kanekshan ko lekar savaal uthaati rahi hai. Shaarada ne 2011 mein akhbaar aur TV news channel bhi launch kiye the. Teen saal chale ye akhbaar aur channel jamkar mamata ki taareef karte rahe the. Haalaanki mamata Bannerjee ne shaarada aur unke beech kisi kanekshan se inkaar kiya hai. Mamata ne ulate aarop lagaaya hai ki farjeevaada karne waali aisi companiyaan left ke shaasanakaal mein hi aain.

CBI Kare Shaarada Ghotaale Ki Jaanch Supreme Court https://www.angrejinews.com/pic/50066