CBI Darj Karegi Naya FIR

India »

CBI Darj Karegi Naya FIR

PTI . Nai Delhi koyala blauk aavantan maamale mein hui kathit aniyamitataon ko lekar CBI jald hi naya FIR darj kar sakti hai. Haalaanki, taaja FIR mein kin logon aur companiyon ko aaropi banaaya ja sakta hai, is baare mein CBI sootron ne chuppi saadh rakhi hai. Sootron ka kehna hai ki naya maamala chand dinon ke bheetar darj kiya ja sakta hai. Iska vakt senior adhikaariyon se milne waali manjoori par nirbhar karega. Agar CBI naya case darj karti hai to koyala blauk maamale mein darj hue kul FIR ki taadaad 11 ho jaaegi. Jaanch agency ne isse pehle kai companiyon ke khilaaf maamala darj kiya tha. In companiyon par aarop tha ki koyala blaukon ke liye apne aavedan mein unhonne dhokhaadhadi aur farjeevaada kiya aur tathyon ko galat tareeke se pesh kiya. Central vijileins kamishn ne koyala blaukon ke aavantan mein hui kathit gadbadiyon ki jaanch ka jimma pichhle saal hi CBI ko saunpa tha. BJP leedar prakaash jaavadekar ne is baare mein shikaayat darj karaai thi. Is shikaayat ke baad Congress party ke saansadon ne bhi shikaayatein darj karaai theen. Ye shikaayatein NDA sarkaar ke kaaryakaal mein hue koyala blaukon ke aavantan se judi theen. Inheen shikaayaton ke aadhaar par jaanch agency ne teen maamalon mein praarambhik jaanch ki shuruaat ki thi.

CBI Darj Karegi Naya FIR https://www.angrejinews.com/pic/6908