CA Ne Kaha, Twitter Ke Istemaal Par Lag Sakti Hai Rok

Cricket »

CA Ne Kaha, Twitter Ke Istemaal Par Lag Sakti Hai Rok

Sydney. . Cricket Australia ne mangalvaar ko kaha ki David Warner ke twitter par bhadaas nikaale jaane ke baad social media ke istemaal par ankush lagaane ka filhaal usaka koi iraada naheen hai lekin bhavishya mein aisa sambhav hai. Salaami ballebaaj Warner ke khilaaf somvaar ko anushaasanaatmak kaarravaai hogi jinhonne desh ke do sheersh cricket lekhakon ke khilaaf jahar ugala tha. Cricket Australia ke pramukh James sadaralaind ne Warner vivaad par tippani naheen ki lekin kaha ki social media cricketeron ke liye apne prashansakon ke saath judne ka jariya hai aur isse khel ka prachaar bhi hota hai. Unhonne patrakaaron se kaha, ''Nishchit taur par main khilaadiyon ko social media ke istemaal ke liye badhaava doonga. Yah bahut jaroori hai. '' sadaralaind ne kaha ki khilaadiyon ke liye social media neeti banaane par koi baat naheen chal rahi hai lekin is par bhavishya mein gaur kiya ja sakta hai.

CA Ne Kaha, Twitter Ke Istemaal Par Lag Sakti Hai Rok https://www.angrejinews.com/pic/9254