'Byaaj Daron Mein Katauti Par Vichaar Kare Reserve Bank

Business » Friday, April 12, 2013

Vishesh samvaadadaata nai Delhi. . Demand ghatne se jahaan February mein audyogik utpaadan ki vikaas dar dheemi padkar 0.6 pratishat rah gayi vaheen reetel moolya par aadhaarit mahangaai dar mein maamooli giraavat darj ki gayi. In paristhitiyon ko dekhte hue kaurporet sector ka kehna hai ki ab reserve bank ko byaaj daron mein katauti par vichaar karna chaahiye. Dheemi padi raftaar : Keindreeya saankhyiki sangathan (CSO) dvaara jaari IIP ke aankadon ke mutaabik, power aur maaining sector mein utpaadan mein giraavat aur mainyufaikcharing sector ke kamjor pradarshan ki vajah se audyogik utpaadan ki vikaas dar February mein 0.6 pratishat rahi. Is saal January mein yah 2.4 pratishat aur pichhle saal February mein yah 4.3 pratishat thi. Ghatati mahangaai : Reetel moolyon par aadhaarit mahangaai ki dar mein ho rahi badhotri March mein tham gayi. Ab yah ghatkar 10.39 pratishat par aa gayi hai. Reetel mahangaai dar (CPI) February mein 10.91 pratishat thi. Sabjiyon aur proteen aadhaarit upabhokta vastuon ke daam ghatne se ismein narami I hai. Yojana aayog ke upaadhyaksh montek Singh Ahluwalia ka kehna hai ki IIP negetiv jon mein naheen gayi hai. Aane vaale samay mein ismein badhotri ki poori sambhaavana hai. Kaurporet ko ummeed : Audyogik sangathan Assocham ke prejideint Rajkumar dhoot ka kehna hai ki reserve bank ko ab byaaj darein ghataane par vichaar karna chaahiye. Jyaada thaharaav ab market aur bhaarateeya arthavyavastha ke liye theek naheen hai.