Bure Fanse Boxer Vijeindar, Naada Karegi Jaanch

Sports »

Bure Fanse Boxer Vijeindar, Naada Karegi Jaanch

Nai Delhi. . Boxer vijeindar Singh drags maamale mein buri tarah fansate najar aa rahe hain. Khel mantraalaya ne somvaar ko naishanal ainti doping agency (naada) ko star boxer vijeindar Singh ka dop test karne ka nirdesh diya hai. Vijeindar ka naam drags baraamadagi maamale mein aane ke ek maheene baad khel mantraalaya ne is mudde par rukh saaf karne ke liye vijeindar ka dop test karaane ka nirdesh diya hai. Naada ke director general mukul chatarji ko bheje gaye nirdesh mein khel mantraalaya ne kaha hai ki media mein vijeindar dvaara kathit roop se heroin liye jaane ki khabarein chintaajanak theen isliye unhonne unka dop test karne ka nirdesh diya. Haalaanki, yah tournament ke baahar ki jaane waali jaanch hogi. Mantraalaya dvaara jaari press vigyapti ke anusaar, 'Star boxer vijeindar ke baare mein is tarah riportein chintaajanak hain aur isse desh ke anya khilaadiyon ka manobal girega. ' mantraalaya ki vigyapti ke anusaar, 'Isliye yah jaroori samjha gaya ki naada vijeindar ke heroin ke istemaal kiye jaane ke liye test karaae, bhale hi yah tournament se baahar ki jaane waali jaanch ho. ' iske mutaabik, 'Naada ko mantraalaya ki soochana milte hi turant test karaane ka nirdesh diya jaata hai. ' haalaanki, vijeindar ne heroin lene se inkaar kiya hai aur is taaja jaankaari ke baare mein unki pratikriya naheen mil paai hai. Punjab police ne ravivaar ko daava kiya tha ki vijeindar ne enaaaraaai anoop Singh kahalon sahit kathit drags taskaron se heroin lene ke baad usaka 12 baar sevan kiya tha. Punjab police ki or se jaari ek bayaan mein kaha gaya, 'Abhi tak ki gayi jaanch ke anusaar vijeindar ne kareeb 12 baar aur Ram Singh ne kareeb paanch baar heroin ka sevan kiya. ' Canada nivaasi drags taskar kahalon ko police ne 03 March ko giraftaar kiya tha aur Chandigarh ke baahari ilaake jirkapur sthit uske aavaas se 130 karod rupae keemat ki 26 kilogram heroin jabt ki gayi thi. Punjab police ke pravakta ne kaha, 'Yah baat saamane I ki boxer Ram Singh aur vijeindar Singh ne December 2012 se February 2013 ke beech kahalon aur uske sahayogi rauki se niji istemaal ke liye heroin li. '

Bure Fanse Boxer Vijeindar, Naada Karegi Jaanch https://www.angrejinews.com/pic/4089