Bulandashahar Rape Ke Aaropi Ke Paksh Mein Hui Panchaayat

India »

Bulandashahar Rape Ke Aaropi Ke Paksh Mein Hui Panchaayat

indrapaal kaushik . Bulandashahar bulandashahar mein 10 saal ki bachchi ke saath hue rape maamale mein aaropi paksh ki taraf se panchaayat karne ka maamala saamane aaya hai. Bataaya gaya hai ki panchaayat ne 40 hajaar rupaye chanda jama kar aaropi paksh ko diya hai. Panchaayat mein BJP ke jilaadhyaksh samet kai log maujood the. Panchaayat mein shaamil logon ka kehna hai ki jab medical jaanch mein rape ki pushti naheen hui to aaropi hareindr ko jail bhejana saraasar galat hai. Vaheen peedit parivaar ka kehna hai ki aaropi paksh ke log unhein gaanv se nikaalne ki saajish rach rahe hain. Aaropi paksh ko diya 40 hajaar : Meerapur gaanv mein ravivaar ko hui panchaayat mein BJP ke jilaadhyaksh vi. Ke. Sharma samet do darjan se adhik party kaaryakartaaon ne hissa liya. Aaropi hareindr ke parijanon ko panchaayat ne 40 hajaar rupaye jutaakar diya. Sharma ka kehna hai ki hareindr ko jhoothe mukadame mein fansaaya gaya hai. Use jald naheen chhoda gaya to party dharana pradarshan karegi. Rape ki pushti naheen to jail kyon : Lodhi ne kaha ki bachchi ke saath rape ki pushti naheen hui hai, lekin police ne use jail bhej diya. Panchaayat ne bachchi ke pita par aarop lagaate hue unke khilaaf kaarravaai ki maang ki aur ek shikaayati patra mukhyamantri Akhilesh Yadav ko bheja. Gaanv se bhagaane ki saajish : Bachchi ke pita ka kehna hai ki aaropi ke samarthan mein panchaayat karke kuchh log use gaanv se bhaagaane ki saajish rach rahe hai. Gaanv mein daliton ki aabaadi do teen darjan hai. Lodh biraadari ki aabaadi do hajaar ke kareeb hai. Is maamale mein log raajaneetik goti seink rahe hain aur maamale ko biraadari ke naam par ulajha rahe hain.

Bulandashahar Rape Ke Aaropi Ke Paksh Mein Hui Panchaayat https://www.angrejinews.com/pic/5568