Bulandashahar Mein Bijli Ke Liye Bavaal, Macha Hangaama

India »

Bulandashahar Mein Bijli Ke Liye Bavaal, Macha Hangaama

ek samvaadadaata. Bulandashahar : Bheeshan garmi ke mausam mein ho rahi jabardast bijli katauti ke virodh mein Budhvaar ko logon ne kai jagah par dharana-pradarshan kiya. Tyoobavel aur motor na chalne se peene ke paani ke liye log tarasane lage hai. Doosari taraf kisaan union ke saikadon logon ne bijli na aane se naaraaj hokar esai vijay Kumar ko 6 ghante tak unke daftar mein bandhak banaae rakha aur jamkar naarebaaji ki. Aghoshit bijli katauti ko lekar poore jile mein haayatauba machi hui hai. Budhvaar ko bijli katauti ke virodh mein kaheen dharana-pradarshan hue to kaheen bijli adhikaariyon ka putala foonka gaya. Kaheen afsaron ko hi bandhak bana liya gaya. Budhvaar ko esai ke daftar par kisaan union ne dharana-pradarshan kiya. Kisaanon ne esai vijay Kumar ko 6 ghante tak bandhak banaae rakha. Is dauraan na unhein chai peene di gayi aur na hi khaana khaane diya gaya. Kisaan union ke logon ne daftar mein dera daal diya. Daftar mein hi choolha jalaakar chai-paani aur naashte ka prabandh kiya gaya hai. Esai ne kai baar kisaanon ko suchaaroo roop se bijli saplaai karne ka aashvaasan diya, lekin kisaan union se jude logon ne aamajan ke hit mein aarapaar ki ladaai ladne ka ailaan kiya hai. Beekeyoo ke pradesh sachiv maangeraam tyaagi ke netrutv mein dharana diya gaya. Kisaan union ke logon ne 2 din pehle syaana mein nigam adhikaariyon ki arthi bhi nikaali thi. Kisaanon ne Budhvaar ko bijli vibhaag ke khilaaf naarebaaji karte hue SP sarkaar ko bhi kosa. Syaana, anoopashahar, dibaai, agauta, Secundarabad, bulandashahar kshetron mein log sadkon par utare. Kisaanon ka kehna hai ki 11 raajyon ko bijli dene vaala bulandashahar bijli ke liye taras raha hai. Logon ka kehna hai ki netaaon ne bijli ki killat ko lekar kabhi bhi Loksabha ya vidhaanasabha mein kabhi aavaaj naheen uthaai. Esai vijay Kumar ka kehna hai ki bijli ki samasya poore pradesh mein hai, filhaal bulandashahar mein bijli ki samasya se jald nipatne ke liye shaasan ko patra likha ja raha hai. Jile mein 800 megawatt bijli ki khapat hai, jabki 250 se 300 megawatt bijli mil rahi hai. Jile mein hai parmaanu bijli ghar bulandashahar jile mein sthit naraura parmaanu kendra ki sthaapana poorv pradhaanamantri indira Gandhi ne ki thi, jabki iska udghaatan poorv PM Rajiv Gandhi ne kiya tha. Bulandashahar ki bijli se uttari grid ke 11 raajya roshan hote hai. Naraura parmaanu kendra se bulandashahar ko seedhe bijli naheen milti. Agar jile ko naraura parmaanu bijli ghar se seedhe bijli ki aapoorti hone lage to bijli ka sankat jile mein khatm ho jaaega. Is samay naraura parmaanu kendra ki 2 yoonits mein 240 megawatt bijli ka utpaadan roj kiya ja raha hai, jise uttar pradesh samet Haryana, Rajasthan, nai Delhi, Jammu Kashmir, uttaraakhand, Himachal pradesh samet kul 11 raajyon mein saplaai kiya ja raha hai.

Bulandashahar Mein Bijli Ke Liye Bavaal, Macha Hangaama https://www.angrejinews.com/pic/9436