Bujurg Mahila Ko Lift Di, Loota, Faraar

India »

Bujurg Mahila Ko Lift Di, Loota, Faraar

jeend. . Julaana se car savaar mahilaaon ne ek vruddha ko lift dekar kaanon se sone ke jevaraat nikaal liye. Baad mein vruddha ko gaanv meharada ke nikat sunasaan kshetr mein chhodkar faraar ho gaye. Vruddha ne bataaya ki car ek vyakti chala raha tha, jabki teen mahilaaen peechhe car mein baithi hui thi. Vruddha mahila ne iski shikaayat julaana thaana police ko di. Police maamale ki chhaanabeen kar rahi hai. Gaanv buraadaihar nivaasi raamafal ki patni raamarati (65) veeravaar dopahar ko apne maayaka gaanv bhaavad (soneepat) jaane ke liye julaana ke bas stand par gaadi ka vet kar rahi theen. Isi dauraan vahaan car gujri jismein savaar teen mahilaaen bujurg mahila se baatcheet karne lagi. Bujurg mahila ko lift dene ki baat kah kar apne saath bitha liya gaya aur gaanv meharada ke nikat sunasaan kshetr mein pahunch kar car chaalak vyakti ne gaadi ko rok liya. Isi dauraan teenon mahilaaon ne vruddha ko pakad liya aur jabaradasti uske kaanon se dedh tole sone ki jhumaki tatha do hajaar rupaye ki nagadi nikaali. Baad mein mahilaaen vruddha ko gaadi se neeche utaarakar vahaan se faraar ho gain. Vruddha ne mauke par shor machaana shuroo kar diya. Baad mein vruddha ne julaana thaane mein iski shikaayat di hai.

Bujurg Mahila Ko Lift Di, Loota, Faraar https://www.angrejinews.com/pic/7456