Britain Mein Bhaarateeya Mool Ke Logon Ke Gharon Ko Adhik Nishaana Bana Rahe Hain Chor Report

Business »

Britain Mein Bhaarateeya Mool Ke Logon Ke Gharon Ko Adhik Nishaana Bana Rahe Hain Chor  Report

(aditi khanna) London, 23 March (bhaasha) Britain mein chor bhaarateeya mool ke logon ke gharon ko adhik nishaana bana rahe hain aur pichhle paanch varshon mein 14 karod pound keemat ke sone ki chori huyi hai. 'BBC' ki ek jaanch mein paaya gaya ki shaadi ke tohafe ke roop mein sone ki khareed ki jaati hai aur maana jaata hai ki dakshin Asiaee mool ke parivaar ise ghar mein hi rakhate hain aur ise agali peedhiyon ko saunp diya jaata hai. Britain ke 45 police balon mein se 23 dvaara muhaiya karaae gaye aankadon ke anusaar greater London mein sabse adhik 10.56 karod pound aur fir greater Manchester se 96 lakh pound ke sone ki chori huyi. Asiaee sona ke kaarobaari sanjaya Kumar ne kaha ki logon ko unke abhibhaavakon dvaara kaha jaata hai ki sona jaroor khareedna chaahiye kyonki yeh ek nivesh hai aur yeh shubh hota hai. Yeh kuchh aisa hai jo ham Asiaee log karte hain, isliye log parampara aur sanskruti ka paalan kar rahe hain. chori ke maamalon ki jaanch karne vaale police balon ne kaha ki kuchh peediton ke paas badi maatra mein aabhooshan the, lekin har maamale mein aisa naheen tha. cheshaayar police ne Asiaee svarn sambandhit choriyaan badhne ke baad samudaaya ke sadasyon ke saath kaam karne ke liye ek team ka gathan kiya. cheshaayar police ki aparaadh shaakha ke pramukh Aaron duggan ne kaha ki maamalon ki jaanch karne mein sabse badi chunauti yeh hai ki sone ka aasaani se niptaara kiya ja sakta hai. vaheen metropolitiyn police ke aankadon ke anusaar 2017-18 ke beech 2.12 karod pound ki 3,300 choriyaan hui. Kent police ne is dauraan 16 lakh pound ki 89 choriyaan aur greater mainachaistar police ne 15 lakh pound ki 238 choriyon ke maamale darj kiye.

Britain Mein Bhaarateeya Mool Ke Logon Ke Gharon Ko Adhik Nishaana Bana Rahe Hain Chor Report https://www.angrejinews.com/pic/263002