Britain Mein Bhaarateeya Mahila Ki Maut Par Suspense

World »

Britain Mein Bhaarateeya Mahila Ki Maut Par Suspense

London . . Yahaan rahane waali ek bhaarateeya mool ki lab tekneeshiyn aur usaki do betiyaan sandigdh haalaat mein apne ghar mein mrut paai gayi hain. Scotland yaard ke pravakta ne ravivaar ko bataaya ki hina solanki (34), usaki beti prish (4) aur jaisameen (9) ke shav shukravaar shaam midkrauft sthit unke ghar se baraamad ki gain. Police ko abhi tak maut ki vajah ka pata naheen chal saka hai. Police pravakta ke mutaabik, maamale mein koi giraftaari naheen ki gayi hai aur postmortem report ka intajaar kar rahi hai. Maamale ki jaanch murder aur seeriys crime investiget karne waali team kar rahi hai. Padosiyon ke darvaaje-khidki band karavaae ek media report ke mutaabik, police aur doctoron ki team jaise hi mauke par pahunchi, aaspaas rahane vaale logon ko unke darvaaje aur khidkiyaan band karne ko kaha gaya. Police ne kisi raasaayanik durghatana ki aashanka ke maddenajar aisa aadesh diya. Kuchh pratyakshadarshiyon ka kehna hai ki vahaan se jaate vakt police mauke se sootakes aur tube sareekhi cheejein apne saath le gain. Maamale ka rahasya gaharaaya media mein paraspar virodhaabhaasi riports aane se maamala aur bhi sandigdh ho gaya. Kuchh mein kaha gaya ki kalpesh jab ghar lauta to use behad bhayaavah sthiti mein apni patni aur bachchon ke shav mile. Kuchh mein daava kiya gaya ki gas leek ki aashanka ke maddenajar padosiyon ne police ko call kiya. Kuchh media riports mein yah bhi kaha gaya ki hina ne khud ko maarane se pehle apni betiyon ko jahar day diya. 'Khushamijaaj faimili thi' hina ek sekandari school mein kaam karti theen. Vah Britain mein apne 42 varsheeya pati kalpesh ke pairants ke saath rahati theen. Jis vakt haadasa huaa, ve log chhutti par gaye hue the. Hina ke Facebook pej ke mutaabik, vah south Gujarat university mein padhi theen. Ghatna ke baad tamaam log ghar ke irdagird ikatthe ho gaye. Ek padosi ne bataaya ki hina aur kalpesh ki faimili kaafi khush rahati thi.

Britain Mein Bhaarateeya Mahila Ki Maut Par Suspense https://www.angrejinews.com/pic/5536