Britain Ke PM Cameron Bhaarat Daure Par, Uth Sakta Hai Helicopter Deal Mudda

Breaking »

Britain Ke PM Cameron Bhaarat Daure Par, Uth Sakta Hai Helicopter Deal Mudda

Mumbai: Britain ke pradhaanamantri David Cameron teen din ki Bhaarat yaatra par aaj subah yahaan pahunche. Apni yaatra ke dauraan vah pramukh udyogapatiyon se mileinge aur sheersh netaaon se vibhinn muddon par baatcheet kareinge. Aisi sambhaavana hai ki Cameron ki kal sheersh netaaon ke saath hone waali baithak mein unase englo-itaaliyn company se jude 3,600 karod rupaye ke helicopter ghotaala maamale mein aur jaankaari maangi ja sakti hai. Agasta vestalaind se jude saude ke tahat teen heleekaaptaron ki aapoorti pehle hi ki ja chuki hai. Inka nirmaan dakshinpashchim England mein huaa hai. Cameron ki yaatra aise samay ho rahi hai ki jab Bhaarat anubandh samaapt karne ki disha mein kadam utha raha hai. Italy ke jaanchakartaaon ne jaanch mein yah paaya hai ki eyarospes samooh finmenika ne videshi adhikaariyon ko rishvat dekar kaanoon toda hai. Finmainika agasta vestalaind ki mool company hai. Cameron yahaan subah 8.30 minute par pahunche. Unki aagavaani protokaul mantri suresh Shetty tatha Maharashtra sarkaar ke varishth adhikaariyon ne agavaani ki. Unke saath ek bada pratinidhimandal bhi aaya hai, jismein Britain ki pramukh companiyon ke mukhya kaaryapaalak adhikaari, charchit vishvavidyaalayon ke kulapati tatha varishth sarkaari adhikaari samet anya log shaamil hain. Videsh mantraalaya ke bayaan ke anusaar, Mumbai mein Cameron ke kaaryakram mein Hindustan Unilever ke mukhyaalaya ka daura tatha udyogapatiyon ke saath baithak shaamil hai. Iske alaava vah seint jeviryas school jaaenge aur police memoriyl par pushpaanjali arpit kareinge. Pradhaanamantri aaj shaam nai Delhi ke liye ravaana honge. Udyog se jude sootron ke anusaar, Cameron raashtreeya rajdhani ke liye ravaana hone se pehle bade audyogik samooh ke niji kaaryakram mein bhi shareek ho sakte hain. Padabhaar sambhaalne ke baad Cameron ki yah doosari Bhaarat yaatra hai. Isse pehle, unhonne May 2010 mein padabhaar sambhaalne ke turant baad yahaan aae the. Delhi mein Cameron pradhaanamantri Manmohan Singh se dwipaksheeya, kshetri tatha antararaashtreeya muddon par vyaapak baatcheet kareinge. Raksha saude ke alaava baithak ke dauraan aarthik sambandhon mein pragaadhta laane, shiksha aur urja kshetron mein sahayog badhaane ke alaava vodaafon par 12,000 karod rupaye ki kar dendaari ke maamale par charcha kiye jaane ki sambhaavana hai. Saath hi Britain dvaara Pakistan tatha Afghanistan ke raashtrapatiyon ki baithak aayojit karne ke mudde par bhi baatcheet ho sakti hai.

Britain Ke PM Cameron Bhaarat Daure Par, Uth Sakta Hai Helicopter Deal Mudda https://www.angrejinews.com/pic/2161