Brazil Mein Patrakaar Ki Goli Maarkar Hatya

World » Tuesday, March 26, 2013

Saao paaulo. . Brazil ke minaas gerais raajya sthit ipaatinga shahar mein do agyaat motorcycle savaar hamlaavaron ne ek 38 saal ke patrakaar ki goli maarkar hatya kar di. Samaachaar agency iefai ke mutaabik adhikaariyon ne bataaya ki shanivaar ko raudrigo neto di faariya naamak is patrakaar ki uske ghar mein hi ghuskar hatya kar di gayi. Raudrigo, 'Venagaarda radio' par ek kaaryakram ka sanyojan karte the aur ipaatinga se prakaashit dainik samaachaar patra, 'Vele do eko' mein taaja ghatnaaon par ek stambh likhte the. Raajya ki rajdhani belo haurijonte se 220 kilometer door ipaatinga mein neto di faariya ne police ki ninda ki thi, jiske baad se use dhamaki mil rahi thi. Patrakaar neto jab roj ki tarah shaam ko apne dost se milkar ghar laute to do agyaat motorcycle savaar hamalaavaaron ne use goli maar di. Neto ne shahar ke ek aspataal mein dam tod diya. Neto shaadeeshuda hain aur unka ek bachcha bhi hai