Brazil Ka Daava, Olympic Khelon Ki Taiyaari Samay Par Hogi

Breaking »

Brazil Ka Daava, Olympic Khelon Ki Taiyaari Samay Par Hogi

Rio di Janeiro: Rio olympic ki aayojan samiti ne aalochakon ka javaab dete hue kaha hai ki samay se pehle olinpink aur paaraaolinpik khelon ke sabhi sthal taiyaar ho jaaenge. Aayojan samiti ne yeh bhi bataaya ki kareeb 38 feesadi taiyaari poori ho chuki hai. Yahaan saal 2016 mein olympic khel hone hain. samaachaar agency sinhuaa ke anusaar, aayojan samiti ne shukravaar ko ek bayaan jaari karte hue kaha ki abhi khelon ke shuroo hone mein do saal se jyaada ka samay bacha hai aur kareeb 38 pratishat kaam poora ho chuka hai. aayojan samiti ke anusaar, 29 sthaayi sthalon mein se 11 ka kaam poora ho chuka hai jabki aath par naveeneekaran ka kaam karna hai. 10 nae sthalon ka nirmaan kiya jaana hai. Aath asthaayi jagahein bhi khelon ke aayojan mein istemaal ki jaaengi. pichhle maheene antararaashtreeya olympic samiti (aaiosi) ke upaadhyaksh John kots ne Rio mein taiyaariyon ko dekhte hue chinta jaahir ki thi aur kaha tha, yeh meri jindagi ka sabse kharaab anubhav hai. haalaanki baad mein unhonne apne bayaan ko badalate hue kaha tha ki Brazil shaanadaar tareeke se khelon ka aayojan karega. Udhar, madhya Rio ke pashchim mein baara olympic park mein majadooron ke hadtaal se kaam mein baadha I hai. is beech aaiosi ne bhi Rio olympic ki taiyaariyon mein aane waali samasyaaon aur chunautiyon se nipatne ke liye ek uchch stareeya madhyasth ko bhi Brazil bheja hai.

Brazil Ka Daava, Olympic Khelon Ki Taiyaari Samay Par Hogi https://www.angrejinews.com/pic/50824