Brahmos Misaail Ka Kaamayaab Test

India »

Brahmos Misaail Ka Kaamayaab Test

vishesh pratinidhi . Nai Delhi bhaarateeya misaail vaigyaaniko ne nausena ke ek pot se brahmos misaail ka kaamayaab test kiya. Yah pareekshan Goa ke tat par nausena ke sabse aadhunik gaaided misaail friget aaienaes tarakash se kiya gaya. Adhikaariyoein ke mutaabik 290 kimi door tak maar karne waali is misaail ne apne lakshya par sateek hamla kiya. Yah pareekshan nausena ki or se brahmos misaail ko apne bede mein shaamil karne ke pehle iska sanchaalan dekhne ke iraade se kiya gaya. Aaienaes tarakash roos mein bana talavaar varg ka friget hai jis par aath brahmos misaailein tainaat ki jaaengi. Yah pot pichhle saal 9 November ko nausena mein shaamil kiya gaya tha. Is varg ke friget ke tahat teg aur trikhand naam ke do yuddhapot pehle shaamil kiye ja chuke hain. Kareeb aath hajaar karod rupaye ke saude ke tahat teenon pot haasil karne ka sauda roos se 2006 mein kiya gaya tha. Brahmos misaail par 300 kilo ke paaramparik visfotak rakhe ja sakte hain aur yah 290 kimi ki doori tak aavaaj se 2.8 guna jyaada raftaar se hamla karne mein saksham hogi. Aaienaes tarakash par brahmos misaail ke alaava satah se aasmaan aur satah se satah par maar karne waali doosari kismon ki misaailein bhi tainaat hongi. Is par panadubbi naashak taarapeedo bhi tainaat honge. In misaailon se lais yah pot mahaasaagaron mein apni maujoodagi se dushman deshon ki nausena mein khauf paida karega.

Brahmos Misaail Ka Kaamayaab Test https://www.angrejinews.com/pic/9430