'Braahman-dalit Mile To BSP Ki Jeet Pakki

Breaking »

'Braahman-dalit Mile To BSP Ki Jeet Pakki

bhaasha. Sant kabeer nagar : BSP ke raashtreeya mahaasachiv sateesh chand mishr ne shanivaar ko daava kiya ki agar uttar pradesh ki kul aabaadi ke 16 feesadi braahman aur 24 feesadi dalit ekajut ho jaaen to pradesh ki sabhi Loksabha seaton par BSP apne virodhiyon ka soopada saaf kar degi. Unhonne kaha ki is sthiti mein BSP ko UP ki sabhi Loksabha seatein jeetne se koi rok naheen sakta. BSP mahaasachiv ne kaha ki braahman ne hamesha se samaaj ko jodne aur use aage badhaane ka kaam kiya hai, lekin aaj braahmanon ko siyaasi roop se khatm karne ki saajish rachi ja rahi hai. Is samaaj ke logon ko yah samajhna hoga. Mishr ne kaha ki BSP adhyaksh maayaavati ne braahman ko sammaan diya hai. Unhonne kaha ki jab se maayaavati ne unhein pradesh ka mahaadhivakta banaaya hai, tab tak unhonne unka ek bhi mukadama naheen lada tha. Gaurtalab hai ki pichhle dinon Lucknow ke 12 divseeya pravaas ke dauraan BSP supreemo maayaavati ne party ki sameeksha baithak ki thi, jismein party ke rananeetikaaron ne pradesh bhar mein braahman sammelan aayojit karaane ki neenv rakhi thi, jise maayaavati ki hari jhandi mil gayi thi.

'Braahman-dalit Mile To BSP Ki Jeet Pakki https://www.angrejinews.com/pic/7693