Box Office Se Jyaada Jeevan Ko Deta Hoon Mahatva Vivek Oberoi

Movies »

Box Office Se Jyaada Jeevan Ko Deta Hoon Mahatva  Vivek Oberoi

Nai Delhi: Bollywood abhineta vivek Oberoi ne apne 10 saal ke filmi career mein kai bhoomikaaen ki hain aur kabhi safalta to kabhi asafalata ke daur se gujre hain. Vah kehte hain ki samaaj ki madad karna aur usaki behatari ki disha mein kaam karne se jyaada santosh ki baat koi aur naheen hai. Samaajik kaaryon mein sahabhaagita aur dharmaarth kaaryon mein sahayog vivek ko safalta aur asafalata ke paimaane se alag karta hai. Vivek ne ek saakshaatkaar mein kaha, samaaj ki bhalaai ke liye kaam karte hue mainne seekha ki box office par safal ya asafal hone se jyaada kai mahatvapoorn kaam meri jindagi mein hain. Mainn seekha ki jindagi mein kuchh alag aur achha karna chaahiye aur isse mujhe jis santosh ka anubhav huaa vah kamaal ka tha. Vivek kai varshon se dharmaarth kaaryon se jude hue hain, lekin vah is baare mein jyaada baatein naheen karte hain. Saal 2006 mein aae sunaami se Tamil Nadu mein tabaah hue gaavon ko fir se basaane mein vivek ne kaafi yogadaan diya hai. Vivek vrundaavan mein ek vidyaalaya chalaate hain. Unke dvaara shuroo ki gayi devi pariyojana ke antargat gharwaalon dvaara tyaag di gayi bachchiyon ki dekhbhaal ki jaati hai. Vivek kehte hain, samaajik kaaryon se mujhe vaastavik khushi milti hai. Kaafi logon ne mujhse in sab ke baare mein bataane ko kaha jab 'Forbes' patrika ne duniya ke 40 bade paropakaariyon mein mera naam shaamil kiya tha. Mera maanana hai ki kehne se jyaada karna maayane rakhata hai, na ki pehchaan. Bollywood mein haalaanki kaam aur pehchaan donon ka mahatva hai. Vivek kehte hain ki vah ab tak khud ko Bollywood mein naya samajhte hain aur pehli film ki tarah hi har film ke liye utsaahit hote hain. Anubhavi abhineta suresh obarauya ke bete vivek Oberoi haal hi mein ek bete ke pita bane hain. Nirdeshak Ram gopaal varma ki film 'Company' se unhonne Bollywood mein apna career shuroo kiya tha. Vivek ne apne ab tak ke career mein 'Saathiya' 'Yuva' 'Masti' 'Kaal' 'Omakaara' jaisi filmon mein kaam kiya hai.

Box Office Se Jyaada Jeevan Ko Deta Hoon Mahatva Vivek Oberoi https://www.angrejinews.com/pic/2166